ترکی میں بلغاریہ کے قریب ساحل سے ایک اور بارودی سرنگ برآمد

ویب ڈیسک

28th Mar, 2022. 08:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ترکی میں بلغاریہ کے قریب ساحل سے ایک اور بارودی سرنگ برآمد

ترکی میں بلغاریہ کے قریب ساحل سے ایک اور بارودی سرنگ برآمد ہوئی ہے۔

بین الاقوامی خبر رساں ادارے کے مطابق ترک وزارت دفاع کا کہنا ہے کہ ملک کے ساحل سے ایک بارودی سرنگ ملی ہے ۔

وزارت دفاع کے حکام کا کہنا ہے کہ گزشتہ تین روز میں ملنے والی یہ دوسری بارودی سرنگ ہے، ماہرین اسے ناکارہ بنانے کے لیے کام کر رہے ہیں۔

وزارت دفاع کی جانب سے بیان میں کہا گیا ہے کہ بارودی سرنگ کو محفوظ بنا لیا گیا ہے اور اسے ناکارہ بنانے کے لیے ماہرین نے کام شروع کر دیا ہے۔

ترکی کی جانب سے یہ اعلان ایسے وقت میں سامنے آیا ہے جب ایک ہفتے قبل روس کی جانب سے خبردار کیا گیا تھا کہ یوکرین کی جانب سے بحیرہ اسود میں روس کے حملہ آور فوجیوں کے خلاف بچھائی گئی کچھ پرانی بارودی سرنگیں طوفان کے باعث ان کی تاروں سے ہٹ گئی ہیں اور آبنائے باسفورس اور بحیرہ روم تک جا سکتی ہیں۔

واضح رہے کہ اس سے قبل ہفتے کے روز ملنے والی بارودی سرنگ کو ترک بحریہ نے ناکارہ بنا دیا تھا۔