برطانیہ میں کورونا کے بعد نورو وائرس پھیلنے کا خدشہ

سید قاسم رضا

29th Mar, 2022. 07:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

برطانیہ میں کورونا کے بعد نورو وائرس پھیلنے کا خدشہ

برطانیہ میں عالمی وبا کورونا وائرس کے بعد نورو وائرس پھیلنے کا خدشہ ہے۔

برطانوی میڈیا کی رپورٹ کے مطابق برطانوی محکمہ صحت نے برطانیہ کی تمام ریاستوں میں نورو وائرس پھیلنے کا خدشہ ظاہر کیا ہے۔

محکمہ صحت کا کہنا ہے کہ نورو وائرس نے برطانیہ کو اپنی لپیٹ میں لیا تو اسپتالوں پر پہلے سے موجود دباؤ میں مزید اضافہ ہوجائے گا۔

برطانیہ کی مسکرک اسپتال فاؤنڈیشن ٹرسٹ نے کورونا اور پیٹ کے درد میں مبتلا افراد کو اسپتالوں سے دور رہنے کی ہدایت جاری کی ہے کیوں کہ اسپتال کا عملہ نورو وائرس سے نبرد آزما ہے۔

برطانیہ میں اب تک نورو وائرس کے 403 کیسز منظر عام پر آچکے ہیں۔

یہ وائرس متعدی ہے، جو نظام ہاضمہ پر حملہ آور ہوتا ہے، اس وائرس کی نمایاں علامات قے، اسہال، پیٹ میں مروڑ اور پورے جسم میں تھکان ہیں جبکہ جسم کا درجہ حرارت بھی معمولی طور پر بڑھ جاتا ہے۔