حجاب پر پابندی، مسلم فورم کا کرناٹک میں صدارتی راج نافذ کرنے کا مطالبہ

ویب ڈیسک

14th Apr, 2022. 02:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حجاب پر پابندی، مسلم فورم کا کرناٹک میں صدارتی راج نافذ کرنے کا مطالبہ

بھارتی ریاست کرناٹک میں حجاب پر پابندی اور فرقہ وارانہ فسادات کا معاملہ سنگین صورتحال اختیار کرگیا۔

بھارتی میڈیا کی رپورٹ کے مطابق حجاب پر پابندی اور فرقہ وارانہ فسادات کے سبب مسلم فورم نے ریاست کرناٹک میں صدارتی راج نافذ کرنے کا مطالبہ کردیا ہے۔

میڈیا رپورٹ کے مطابق مسلم فورم نے بھارت کے صدر رام ناتھ کووند کو خط لکھا ہے جس میں ہندو انتہا پسند جماعتوں کی جانب سے نفرت انگیز بیانات کی نشاندہی کی گئی ہے۔

خط میں لکھا گیا ہے کہ ریاست کرناٹک میں مسلمان مخالف جذبات کو ہوا دی جارہی ہے اس لیے ریاست میں صدارتی راج نافذ کیا جائے۔

یہ بھی پڑھیں: بھارتی حکمراں جماعت کی رکن اسمبلی بھی حجاب کیخلاف زہر اگلنے لگیں

یاد رہے کہ بھارتی ریاست کرناٹک کے کئی کالجز میں مسلمان طالبات کے حجاب کرنے پر پابندی عائد کردی گئی تھی۔ بعد ازاں یہ پابندی پڈو چیری سمیت کچھ اور شہروں تک پھیل گئی تھی۔

حجاب پر پابندی کے خلاف ایک مسلمان طالبہ نے یکم فروری کو عدالت سے رجوع کیا تھا۔ پابندی کے خلاف مسلمان طالبہ نے کرناٹک ہائیکورٹ میں درخواست دائرکی تھی تاہم عدالت نے ریاست کے حق میں فیصلہ سنا دیا۔