بھارت کی سب سے گنجان ریاست اتر پردیش سے ایک شخص کو مبینہ طور پر مسلمان خواتین کو اجتماعی جنسی تشدد کی دھمکی دینے کے الزام گرفتار کر لیا گیا۔

بھارتی خبر رساں ادارے کے مطابق بجرنگ مونی داس دو گروہوں کے درمیان نفرت انگیزی کے فروغ اور جنسی طور پر ہراساں کرنے الزام میں سیتا پور ضلع سے پولیس کی تحویل میں لیا گیا۔

Uttar Pradesh | Mahant Bajrang Muni Das arrested for his controversial remarks on Muslim women. He will be presented in the court soon: RP Singh, Sitapur SP pic.twitter.com/ymwwoTgjbw

Advertisement

— ANI UP/Uttarakhand (@ANINewsUP) April 13, 2022

ملزم کی تقریر کے دو منٹ کی ویڈیو گزشتہ جمعے کو وائرل ہوئی تھی۔

یہ ویڈیو دراصل 2 اپریل کو ہندو مذہبی تہوار کے موقع پر ریکارڈ کی گئی تھی۔

ان کو مسجد کے قریب موجود ایک ہجوم کو یہ کہتے ہوئے سنا گیا کہ  اگر مسلمانوں  نے خیر آباد میں کسی ہندو لڑکی کو بھی تنگ کیا تو وہ مسلمانوں کی بہو بیٹیوں کو باہر لا کر جنسی تشدد کا نشانہ بنائیں گے۔

ذرائع کے مطابق داس نے دعویٰ کیا کہ انہیں قتل کرنے کے لیے 25 لاکھ بھارتی روپے جمع کیے گئے تھے۔

انہوں نے کہا کہ انہیں(مسلمانوں) کو نہیں معلوم کہ اگر انہیں (داس) کو قتل کیا گیا تو اگلے 100 سالوں تک خیرآباد میں مسلمانوں کو قتل کیا جائے گا اور شری رام کا نام بلند کیا جائے گا۔