جنوبی کیرولائنا میں فائرنگ کا واقعہ، 9 افراد زخمیبول نیوز

جنوبی کیرولائنا میں فائرنگ کا واقعہ، 9 افراد زخمی

ویب ڈیسک

17th Apr, 2022. 11:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جنوبی کیرولائنا میں فائرنگ کا واقعہ، 9 افراد زخمی

امریکی ریاست جنوبی کیرولائنا میں ایسٹر کی صبح ایک کلب میں فائرنگ سے نو افراد زخمی ہوگئے۔

ریاستی ذرائع نے ایسوسی ایٹ پریس کو بتایا کہ واقعے کی تحقیقات جاری ہیں اور فی الوقت کسی کی ہلاکت کی خبر نہیں ہے۔ البتہ، زخمی افراد کی حالت کے متعلق کوئی معلومات فراہم نہیں کی گئی ہے۔

اسٹیٹ لاء انفورسمنٹ ڈویژن(SLED) کا کہنا تھا کہ اس ریاست کے سب سے بڑے شہر چارلسٹن کے مغرب میں 80 میل کے فاصلے پرموجود ہیمپٹن کاؤنٹی شیرف آفس نے SLED کو تحقیقات کرنے کی درخواست کی ہے۔

مقامی ٹی وی اسٹیشن کے مطابق کلب میں شوٹنگ کا واقعہ اتوار کی علی الصبح پیش آیا۔

واضح رہے ایک روز قبل ہی جنوبی کیرولائنا کے شہر کولمبیا کے ایک مال میں فائرنگ کے واقعے میں 14 افراد زخمی ہوگئے تھے۔ جن میں نو گولی سے اور پانچ بھگ دڑ مچنے سے زخمی ہوئے تھے۔

کولمبیا کے پولیس چیف ولیم ہالبروک کا کہنا تھا کہ حکام کا ماننا ہے کہ شوٹنگ کوئی معمولی تشدد کا واقعہ نہیں تھا بلکہ یہ مسلح افراد، جو ایک دوسرے کو جانتے تھے، کے درمیان تنازع کی وجہ سے پیش آیا تھا۔