سعودی عرب میں حرمین شریفین کی انتظامیہ زائرین کو افطار سے سحری تک زم زم کی سہولت فراہم کر رہی  ہے، زم زم وافر مقدار میں موجود ہے۔

مسجد نبوی کی انتظامیہ نے  اپنے بیان میں کہا  ہے کہ ریاض الجنہ اور مسجد نبوی کی پرانی عمارت میں موجود زائرین کو یومیہ 14 ہزار آب زم زم کے کولر اور ایک لاکھ 60 ہزار آب زم زم کی بوتلیں فراہم کی جا رہی ہیں۔

انتظامیہ کا کہنا ہے کہ کوشش ہے کہ زائرین جہاں بھی ہوں انہیں کسی زحمت کے بغیر افطار کے وقت سے سحری تک آب زم زم وافر مقدار میں مہیا رہے۔

مسجد نبوی کی انتظامیہ نے بتایا کہ رمضان کے دوران زائرین کو وافر مقدار میں زم زم فراہم کرنے کے مکمل انتظامات ہیں۔ زائرین کےلیے مسجد نبوی کے صحنوں میں آب زم زم کی 12 سو سبیلیں بھی لگائی گئی ہیں۔

 علاوہ ازیں حرمین شریفین انتطامیہ نے مسجد الحرام میں زائرین کو روزانہ پانچ لاکھ لیٹر آب زم زم افطار کےلیے فراہم کیا جا رہا ہے۔

 انتطامیہ کے ماتحت آب زم زم کے ادارے کے انچارج عبدالرحمان الزہرانی نے بتایا کہ پانچ لاکھ لیٹر سے زیادہ آب زم زم مسجد الحرام میں زائرین کو فراہم کیا رہا ہے۔  زم زم کی ایک لاکھ بوتلیں بھی زائرین میں تقسیم کی جا رہی ہیں۔

حرم انتظامیہ نے بتایا کہ مسجد الحرام کے صحنوں اور نماز کے مقامات پر 13 ہزار زم زم  کے کولر رکھے گئے ہیں جن میں سے ہر ایک میں چالیس لیٹر آب زم زم ہوتا ہے۔