اب عمرہ زائرین مکہ اور مدینہ کے علاوہ دیگر شہر بھی جاسکیں گے

ویب ڈیسک

13th May, 2022. 11:12 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اب عمرہ زائرین مکہ اور مدینہ کے علاوہ دیگر شہر بھی جاسکیں گے

عمرہ زائرین کو مکہ اور مدینہ کے علاوہ دیگر شہروں میں بھی جانے کی اجازت مل گئی ہے۔

غیر ملکی خبر رساں ادارے کی رپورٹ کے مطابق عمرہ ویزہ کی مدت 30 روز کردی گئی ہے جس دوران زائرین کو دیگر شہروں میں بھی جانے کی اجازت ہوگی۔

یہ بھی پڑھیں: عمرہ زائرین کے سفر کو آسان بنانے کے لیے مکہ مکرمہ میں 60 سرنگیں ٹریفک کے لیے بحال

دوسری جانب وزارت حج و عمرہ کی جانب سے ایک بیان جاری کیا گیا ہے جس کے مطابق عمرہ ویزہ پر آنے والوں کو مملکت میں 30 روز تک قیام کی سہولت ہوگی جس دوران وہ مکہ اور مدینہ کے علاوہ دیگر شہر بھی جاسکیں گے۔

واضح رہے کہ اس سے قبل عمرہ زائرین کو مملکت میں قیام کے دوران صرف جدہ، مکہ مکرمہ اور مدینہ منورہ کے علاوہ کسی دوسرے شہر میں آنے جانے کی اجازت نہیں ہوتی تھی۔

تاہم یہ پہلی مرتبہ ہے کہ اب عمرہ زائرین ان تین شہروں کے علاوہ بھی دوسرے شہر جاسکیں گے جس سے زائرین کو کافی فائدہ ہوگا۔

یہ بھی پڑھیں: عمرہ زائرین کے قیام کی مدت میں اضافہ کردیا گیا

خیال رہے کہ اس فیصلے سے خاص کر وہ عمرہ زائرین مستفید ہوسکیں گے جن کے رشتہ دار مملکت کے دیگر شہروں میں مقیم ہیں جبکہ عمرہ زائرین کو اس امر کا خاص خیال رکھنا ہوگا کہ وہ قیام کی مدت ختم ہونے سے قبل ہی اپنی واپسی کو یقینی بنائیں۔