سعودی عرب کی سول ایوی ایشن اتھارٹی نے حج سے متعلق نئی ٹریول ایڈوائزری اور پالیسی گائڈ لائن جاری کردی ہے۔

سعودی عرب کی سول ایوی ایشن اتھارٹی نے حج سے متعلق نئی ٹریول ایڈوائزری اور پالیسی گائڈ لائن جاری کی ہے جبکہ پاکستان سمیت دنیا بھر سے حج کی ادائیگی کے لیے سعودی عرب پہنچنے والے عازمین حج کے لئے عمل کو لازمی قرار دیا گیا ہے۔

سعودی ایوی ایشن اتھارٹی کے مطابق سعودی عرب نے 65 سال یا اس سے زائد عمر کے افراد پر حج 2022 کے لئے پابندی عائد کردی گئی ہے۔

عازمین حج کے لیے سعودی وزارت صحت کی جانب سے منظور کردہ کورونا ویکسیین لگوانا لازمی قرار دیا گیا ہے جبکہ سعودی عرب سفر کرنے سے 48 گھنٹے قبل منفی کورونا  ٹیسٹ کو بھی لازمی قرار دیا گیا ہے۔

سعودی ایوی ایشن اتھارٹی کا کہنا ہے کہ پالیسی گائڈ لائن پر عمل نہ کرنے پر ایئرلائنز پر سخت جرمانہ ہوگا، حج آپریشن کے دوران ایئرلائنز کو دیے گئے فلائٹ سلاٹ کی خلاف ورزی پر کارروائی سعودی ایوی ایشن ایکٹ کے تحت ہوگی۔

دوسری جانب پی آئی اے نے بھی حج آپریشن سے متعلق کرائے اور قوائد  جاری کردیے ہیں جبکہ حج آپریشن نارتھ اور ساؤتھ ریجنز کے تحت ہوگا۔

پی آئی اے نے حج آپریشن پروازوں کے کرائے نارتھ اور ساؤتھ ریجن کے تحت مقرر کردیئے ہیں جن کی ادائیگی امریکی ڈالر  کے مساوی پاکستانی روپوں میں کی جائیگی۔

کوئٹہ کراچی پر مشتمل ساؤتھ ریجن سے کم سے کم 810 ڈالر اور زیادہ سے زیادہ 1100 ڈالر کے مساوی کرایہ مقرر کی گئی ہے جبکہ اسلام آباد، ملتان، پشاور پر مشتمل نارتھ سیکٹر کے لیے کم سے 860 ڈالر اور زیادہ 1150 ڈالر کے مساوی کرایہ مقرر کیا گیا ہے۔

واضح رہے کہ پی آئی اے کا حج آپریشن 31 مئی سے شروع ہوگا جس کے لیے پاکستان سے مدینہ اور جدہ کے لیے پروازیں 31 مئی سے 3 جولائی تک جاری رہیں گی۔