تائیوان نے امریکا کے نئے انسداد آب دوز جنگی ہیلی کاپٹروں کو انہتائی مہنگے قرار دیتے ہوئے انہیں خریدنے کے منصوبے کو ترک کرنے کا اشارہ دے دیا۔

اس سے قبل تائیوان کا کہنا تھا کہ وہ لاک ہیڈ مارٹن کے بنائے ہوئے 12 MH-60R انسداد آب دوز ہیلی کاپٹر خریدنے کا منصوبہ بنا رہا تھا۔

لیکن مقامی میڈیا کا کہنا تھا کہ امریکا نے جزیرے کی ضرورت سے مطابقت نہ ہونے کی وجہ سے اس فروخت کو رد کیا۔

تائیوان کی جانب سے خریدے جانے والے نئے امریکی ہتھیاروں میں حالیہ تبدیلی کے متعلق پارلیمان میں پوچھے جانے پر وزیر دفاع چائیو کُو-شینگ نے ہیلی کاپٹر معاملے کا تذکرہ پہلے کیا۔

انہوں نے کہا کہ ہیلی کاپٹر کی قیمت ملک کی استطاعت سے کہیں زیادہ ہے۔

دو دیگر اسلحوں کی خرید بھی ملتوی ہوگئی ہے جس میں M109A6 سیلف پروپیلڈ ہاوِٹزر آرٹلری سسٹمز اور موبائل اِسٹنگر اینٹی ایئر کرافٹ میزائلز شامل ہیں۔

ریتھین ٹیکنالوجیز کے اِسٹنگرز کی اس وقت یوکرین بہت طلب ہے، جہاں ان کو روسی ایئر کرافٹ کے خلاف استعمال کیا گیا ہے لیکن امریکا کی جانب سے اس کی فراہمی کم ہوگئی ہے اور انسداد ایئر کرافٹ اسلحے کی پیداوار میں بڑے مسائل کا سامنا ہے۔

چائیو کا کہنا تھا کہ انہوں نے اِسٹنگرز کے معاہدے پر پہلے ہی دستخط اور ادائیگی کی ہوئی ہے اور وہ امریکا پر ان کی فراہمی کے لیے دباؤ ڈالیں گے۔