روس کی برطانیہ پر 4 منٹ سے بھی کم وقت میں جوہری حملے کی دھمکی

ویب ڈیسک

14th May, 2022. 08:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

روس کی برطانیہ پر 4 منٹ سے بھی کم وقت میں جوہری حملے کی دھمکی

روس نے برطانیہ پر 4 منٹ سے بھی کم وقت میں جوہری حملے کی دھمکی دے دی۔

بین الاقوامی خبر رساں ادارے کے مطابق روس نے یوکرین کی جنگ سے توجہ ہٹانے کے لیے اپنے شیطان 2 ہائپرسونک میزائل سے برطانیہ پر 200 سیکنڈز اور فن لینڈ پر صرف 10 سیکنڈز میں جوہری حملے کی دھمکی دی ہے۔

روسی صدر ولادیمیر پیوٹن کے ایک سینئر ساتھی نے برطانیہ پر جوہری حملہ کرنے کی دھمکی دیتے ہوئے دعویٰ کیا ہے کہ اس میں صرف تین منٹ لگیں گے۔

ڈوما کی دفاعی کمیٹی کے نائب چیئرمین الیکسی زووراولیوف نے کہا ہے کہ نیٹو میں شامل ہونے کے لیے تیار فن لینڈ صرف دس سیکنڈز میں ختم ہو جائے گا۔

یہ بیان ایسے وقت میں سامنے آیا ہے جب روس نے ہفتے کی صبح فن لینڈ کو بجلی کی سپلائی منقطع کر دی ہے۔

واضح رہے کہ فن لینڈ اپنی بجلی کا دس فیصد روس سے درآمد کرتا ہے تاہم روسی سرکاری درآمد کنندہ کو ادائیگیاں موصول نہ ہونے پر بجلی کی سپلائی منقطع کردی گئی۔

دوسری جانب فن لینڈ میں ٹرانسمیشن سسٹم چلانے والے ادارے کا کہنا ہے کہ ملک میں روس سے درآمد کیے بغیر بھی کافی بجلی موجود ہے۔