سوئیڈن اور فن لینڈ کی نیٹو میں شمولیت، ترک صدر رجب طیب اردوان کی شرائط

ویب ڈیسک

22nd May, 2022. 04:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

سوئیڈن اور فن لینڈ کی نیٹو میں شمولیت، ترک صدر رجب طیب اردوان کی شرائط
پاکستان اوربھارت سمیت 7جنگیں ختم کرائیں، کبھی اقوام متحدہ نے رابطہ نہیں کیا، ٹرمپ
مخالفین کو مذاکرات کی میز پر لا کر قتل کروانا اسرائیلی کی گھنائونی پالیسی ہے، امیر قطر
ٹرمپ سے شہبازشریف کی اہم ترین ملاقات کل ہوگی ،وزیراعظم نے امریکی صدر کو امن کا داعی قرار دیدیا

Now Reading:

سوئیڈن اور فن لینڈ کی نیٹو میں شمولیت، ترک صدر رجب طیب اردوان کی شرائط

ترکی کے صدر رجب طیب اردوان نے خبردار کیا ہے کہ مغربی دفاعی اتحاد نیٹو کی رکنیت حاصل کرنے کے خواہش مند شمالی یورپی ممالک سوئیڈن اور فن لینڈ دہشت گرد گروہوں کی حمایت بند کر دیں ورنہ ترکی اُن کی نیٹو میں شمولیت کا راستہ روک بھی سکتا ہے۔

ترک صدر رجب طیب اردوان نے سوئیڈن کے دارالحکومت اسٹاک ہوم میں وزیراعظم میگڈالینا اینڈرسن سے اور فن لینڈ کے دارالحکومت ہیلسنکی میں صدر ساؤلی نینستو سے الگ الگ ٹیلی فون کال پر گفتگو میں کہا کہ سوئیڈن اور فن لینڈ کو ان مبینہ دہشت گرد گروپوں کی حمایت بند کرنا ہو گی جو ترکی کی قومی سلامتی کے لیے خطرہ ہیں۔

ترک صدر کے دفتر کے مطابق صدر رجب طیب اردوان نے اپنی گفتگو میں دو بڑی تنظیموں کے بارے میں تحفظات کا اظہار کیا۔ ان میں سے ایک ممنوعہ کردستان ورکرز پارٹی یا پی کے کے ہے جس کے خلاف انقرہ حکومت 1980ء کی دہائی سے لڑ رہی ہے۔ دوسری تنظیم وہ گولن تحریک ہے جس پر ترک دارالحکومت انقرہ کی طرف سے ترکی میں 2016ء کی ناکام فوجی بغاوت کی منصوبہ بندی کا الزام لگایا جاتا ہے۔

واضح رہے کہ نیٹو کے رکن ملک ترکی نے رواں ماہ کی 18 تاریخ کو برسلز میں ہونے والے نیٹو اجلاس میں سوئیڈن اور فن لینڈ کی نیٹو میں شمولیت کے حوالے سے شروع ہونے والے مذاکرات کے خلاف ووٹ دیا تھا جس پر یہ مذاکرات روک دیے گئے تھے۔