کینیڈین وزیر اعظم جسٹن ٹروڈو نے دنیا بھر میں رہنے والے مسلمانوں کی عید الفطر کی مبارکباد پیش کی ہے۔

کینیڈا کے وزیر اعظم جسٹن ٹروڈو نے عید کے حوالے سے سماجی رابطے کی مائیکرو بلاگنگ ویب سائٹ ٹوئٹر پر اپنا ویڈیو بیان شیئر کیا ہے۔

Eid Mubarak! I’m sending my warmest wishes to all Muslims who are celebrating Eid al-Fitr and marking the end of Ramadan. After a month of prayer, fasting, and giving back, I hope you’re able to enjoy this time of celebration and community. https://t.co/179sOfVl39 pic.twitter.com/EwBFeTv5PJ

— Justin Trudeau (@JustinTrudeau) May 1, 2022

اس بیان میں انہوں نے دنیا بھر میں رہنے والے مسلمانوں کو عید الفطر کی مبارکباد پیش کی ہے۔

کینیڈین وزیر اعظم کا کہنا تھا کہ رمضان المبارک کے بعد عید دوستوں اور رشتے داروں کے ساتھ مل کر خوشیاں منانے کا دن ہے۔

انہوں نے کہا کہ عالمی وباء کے باعث گذشتہ دو سال کافی مشکل رہے لیکن اسلام کے بنیادی اقدار، سخاوت، امن، شکر گزاری اور ایک دوسرے سے ہمدردی کے جذبے نے وباء کا سامنا کرنے اور آگے بڑھنے کا حوصلہ فراہم کیا۔

کینیڈین وزیر اعظم نے ملک کی تعمیر و ترقی میں مسلمانوں کے کردار کو سراہا اور کہا کہ وہ معاشرے کا اہم حصہ ہیں۔

اس موقع پر انہوں نے اپنے اورخاندان کی جانب سے اردو میں عید کی مبارکباد بھی دی۔

یہ بھی پڑھیں: شوال کا چاند نظر نہیں آیا، عید الفطر 3 مئی بروز منگل کو ہوگی

واضح رہے کہ کینیڈا، امریکہ، برطانیہ، یورپی ممالک اور سعودی عرب سمیت خلیجی ممالک میں آج ٓ عید الفطر منائی جارہی ہے۔

علاوہ ازیں پاکستان میں عید الفطر کل بروز منگل 3 مئی کو منائی جائے گی جبکہ بھارت، سری لنکا اوربنگلادیش میں بھی کل عید ہوگی۔

اس خطے میں سب سے پہلے عید منانے والا افغانستان رہا جس نے گذشتہ روز ہی عید الفطر منالی ہے۔