پولیس کی نا اہلی یا غفلت، بندر تھانے سے اہم قتل کیس کے ثبوت لے اڑا

ویب ڈیسک

12th May, 2022. 08:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پولیس کی نا اہلی یا غفلت، بندر تھانے سے اہم قتل کیس کے ثبوت لے اڑا

بھارت میں پولیس کی نااہلی اور غفلت کا انوکھا واقعہ پیش آیا ہے۔

بھارتی میڈیا کی رپورٹ کے مطابق ریاست راجستھان میں پولیس نے قتل کیس کی سماعت کے دوران عدالت کے سامنے عجیب و غریب وضاحت پیش کرتے ہوئے کہا کہ ایک بندر کیس میں جمع کیے گئے شواہد لے کر بھاگ گیا ہے۔

پولیس نے عدالت کو بتایا کہ بندر کی جانب سے پولیس کی تحویل سے چوری کی جانے والی اشیاء میں قتل کا ایک ہتھیار (چاقو) بھی شامل ہے۔

پولیس نے عدالت کو مزید بتایا کہ مذکورہ کیس کے شواہد بیگ میں موجود تھے اور بیگ بندر اٹھا کر غائب ہوگیا ہے۔

2016 میں ریاست راجستھان کے دارالحکومت میں ششی کانت نامی ایک شخص کا قتل ہوا تھا جس کی لاش تین دن بعد ملی تھی۔

مقتول کے اہل خانہ کی جانب سے احتجاج کیے جانے پر معاملہ عدالت میں سماعت کے لیے مقرر ہوا تھا۔ ہائی کورٹ کی جانب سے کیس کا فیصلہ آنے کی توقع ہی تھی کہ پولیس نے شواہد گم ہونے کا الزام بندر پر عائد کردیا ہے۔