افغانستان کے دارالحکومت کابل میں آج ایک گردوارے میں دھماکے ہوا جس میں ہلاکتوں کا خدشہ ظاہر کیا گیا ہے۔
خبر ایجنسی کے مطابق دھماکا کابل کے علاقے کارتی پروان کے ایک گردوارے میں آج صبح ہوا جس کے بعد علاقے میں متعدد گولیوں کی آوازیں بھی سنی گئیں۔
گردوارے کے انتظامی عہدیدار گرنام سنگھ نے خبر ایجنسی سے گفتگو کرتے ہوئے بتایا کہ دھماکے کے وقت گردوارے میں تقریباً 30 افراد موجود تھے۔
مقامی خبروں کے مطابق یہ علاقہ گنجان آباد ہے اور متعدد افراد کی ہلاکت کا خدشہ ہے۔
گرنام سنگھ کا کہنا ہے کہ طالبان ہمیں گردوارے میں داخلےکی اجازت نہیں دے رہے اور ہمیں گردوارے کے اندر کی صورتحال سے متعلق فی الحال کچھ علم نہیں ہے۔
Advertisement
دوسری جانب گردوارے میں دھماکے سے متعلق طالبان حکام کی جانب سے تاحال کوئی بیان جاری نہیں کیا گیا ہے۔
واضح رہے کہ اس سے قبل 25 مئی کو افغانستان کے صوبہ بلخ کے دارالحکومت میں تین دھماکوں میں کم از کم 9 افراد ہلاک اور 15 زخمی ہوئے تھے، اسی دن کابل شہر میں مسجد شریف حضرت زکریا مسجد میں ایک دھماکے میں کم از کم دو افراد ہلاک ہوئے تھے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
