مقبوضہ کشمیر؛ بھارتی فوجیوں کے ہاتھوں مزید 2 کشمیری نوجوان شہید

ویب ڈیسک

21st Jun, 2022. 10:09 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مقبوضہ کشمیر؛ بھارتی فوجیوں کے ہاتھوں مزید 2 کشمیری نوجوان شہید

سری نگر: مقبوضہ کشمیر میں بھارتی فوجیوں نے ریاستی دہشتگردی کی تازہ کارروائی کے دوران آج مزید 2 کشمیری نوجوانوں کو شہید کردیا ہے۔

کشمیر میڈیا سروس کی رپورٹ کے مطابق غیر قانونی طور پر بھارت کے زیر قبضہ مقبوضہ کشمیر میں بھارتی فوجیوں نے ریاستی دہشتگردی کی تازہ کارروائی کے دوران آج ضلع پلوامہ میں ایک کشمیری نوجوان کو شہید کیا۔

یہ بھی پڑھیں: مقبوضہ کشمیر: بھارتی فورسز کی ریاستی دہشت گردی، 3 کشمیری نوجوان شہید

نوجوان کوبھارتی فوجیوں نے ضلع کے علاقے تجن میں محاصرے اور تلاشی کی کارروائی کے دوران شہید کیا ہے جبکہ دوسرے نوجوان کو سوپور قصبہ کے علاقے طولیبل میں شہید کیا ہے۔

رپورٹ کے مطابق آخری اطلاعات آنے تک دونوں علاقوں میں تلاشی کی کارروائیاں جاری ہیں۔

یہ بھی پڑھیں؛ مقبوضہ کشمیر؛ 300 اسکولوں کی بندش کے باعث ہزاروں طلباء کا مستقبل خطرے میں پڑگیا

دوسری جانب پولیس نے سوشل میڈیا دی ریئل کشمیر نیوز فیس بک پیج کے آپریٹر کوگرفتار کرلیا ہے، یہ گرفتاری بھارتی فوجیوں کی طرف سے ضلع کپواڑہ کے علاقے چندی گام لولاب میں ایک نوجوان کو جعلی مقابلے میں شہید کرنے کی خبر جاری کرنے پر کی گئی ہے۔