برطانیہ میں مہنگائی: ریلوے ملازمین کا ملک گیر ہڑتال کرنے کا فیصلہ

ویب ڈیسک

20th Jun, 2022. 11:04 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

برطانیہ میں مہنگائی: ریلوے ملازمین کا ملک گیر ہڑتال کرنے کا فیصلہ

برطانیہ میں مہنگائی سے پریشان ہزاروں ریلوے ملازمین نےتنخواہوں میں اضافے کے لیے ملک گیر ہڑتال کا اعلان کر دیا، جس سے ہزاروں مسافروں کو مشکلات کا سامنا کرنا پڑے گا ۔

تفصیلات کے مطابق یونین کے رہنماؤں نے تصدیق کی ہے کہ تنخواہوں ملازمتوں اور اصلاحات پیکیج تنازع کو حل کرنے میں ناکامی کے بعد ریل اور ٹیوب ہڑتال کا فیصلہ کیا گیا ہے ۔

ریل یونین کا کہنا ہے کہ 40000 سے زیادہ ریلوے ملازمین تین روزہ منگل، جمعرات اور ہفتہ کو ملک گیر ہڑتال کا حصہ بنے گے ۔

یہ بھی پڑھیں: برطانیہ میں پیٹرول اور ڈیزل کی قیمتیں تاریخ کی بلند ترین سطح پر پہنچ گئیں

برطانیہ کے ریل نیٹ ورک کا تقریباً نصف حصہ ہڑتال کے دنوں میں کھلا رہے گا جس کی وجہ سے ٹرینوں کی آمدورفت بہت محدود ہوگی ۔

ریلوے یونین کے جنرل سیکریٹری مک لنچ نے کہا کہ کوئی قابل عمل تصفیہ پیش نہیں کیا گیا ہے اور ہڑتالوں میں مزید اضافہ ہوگا، ہزاروں ملازمتوں میں کٹوتی کی جا رہی ہے اور کارکنوں کو مہنگائی سے کم تنخواہوں میں اضافے کا سامنا ہے۔

ٹرین کمپنیوں کی طرف سے مسافروں کو مشورہ دیا جا رہا ہے کہ وہ غیر ضروری سفر سے اجتناب کریں صرف ضرورت پڑنے پر ہی سفر کریں۔

دوسری جانب سیکریٹری ٹرانسپورٹ گرانٹ شپس نے اس اقدام کو مایوس کن قرار دیا ہے۔