بھارت اور سری لنکا کے بعد برازیل نے بھی روس سے سستا تیل خریدنے کا اعلان کر دیا

ویب ڈیسک

14th Jul, 2022. 03:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارت اور سری لنکا کے بعد برازیل نے بھی روس سے سستا تیل خریدنے کا اعلان کر دیا

چین، بھارت اور سری لنکا کے بعد برازیل نے بھی روس سے سستا تیل خریدنے کا اعلان کر دیا۔

خبر ایجنسی کے مطابق لاطینی امریکی ملک برازیل کے صدرجیربولسونارو کا کہنا ہے کہ ان کا ملک برازیل روس سے جلد ہی سستا تیل خریدے گا۔

صدرجیربولسونارو کا کہنا ہے کہ برازیل روس سے انتہائی سستے ڈیزل خریداری کے معاہدے تک پہنچنے کے قریب ہے اور امکانات یہی ہیں کہ ضروریات کو پورا کرنے کے لیے ماسکو سے ڈیزل خریدا جائے گا جو کہ زیادہ مناسب قیمت پر ملے گا۔

میڈیا رپورٹ کے مطابق اس سلسلے میں روس کے صدر اور برازیلی صدر کے درمیان ٹیلیفونک بات چیت بھی ہوئی ہے جس میں صدر پیوٹن نے جنوبی امریکی ملک کو کھادوں کی مسلسل فراہم کے عزم کا اظہار کیا ہے۔

واضح رہے کہ برازیل ایک وسیع زرعی ملک ہے جسے سستی کھاد اور ڈیزل کی ضرورت ہے اس صورتحال کو مدِنظر رکھتے ہوئے برازیلی صدر نے ایندھن کی سستی خریداری کے لیے جن تجاویز پر غور کیا ہے اس میں ایک روس سے سستے ڈیزل کی خریداری سب سے اہم ہے۔