ایران کا امریکا کو کسی بھی مہم جوئی سے باز رہنے کا انتباہ

ویب ڈیسک

14th Jul, 2022. 08:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایران کا امریکا کو کسی بھی مہم جوئی سے باز رہنے کا انتباہ

ایران نے امریکا کو کسی بھی مہم جوئی سے باز رہنے کا کہا ہے ۔

غیر ملکی خبرر ساں ادارے کے مطابق ایرانی صدر ابراہیم رئیسی نے کہا ہے کہ امریکا یا اس کے اتحادیوں کی طرف سے کسی بھی غلطی کا سخت اور موثر جواب دیا جائے گا۔

ابراہیم رئیسی نے ایک تقریر کے دوران کہا کہ ایران کی عظیم قوم خطے میں کسی بھی عدم تحفظ یا بحران کو قبول نہیں کرے گی ۔

انہوں نے کہا کہ واشنگٹن اور اس کے اتحادیوں کو جان لینا چاہیے کہ ایران کی جانب سے کسی بھی غلطی کا سخت اور بھرپور جواب دیا جائے گا۔

واضح رہے کہ گزشتہ روز امریکی صدر جو بائیڈن نے کہا تھا کہ ایران کو جوہری ہتھیاروں کے حصول سے باز رکھنے کے لیے آخری آپشن کے طور پر فوجی کارروائی خارج از امکان نہیں ہے۔

صدر بائیڈن گزشتہ روز اسرائیل پہنچے تھے جبکہ وہ جی سی سی اجلاس میں شرکت کے لیے سعودی عرب بھی جائیں گے۔

واشنگٹن اور اسرائیل طویل عرصے سے ایران کی جوہری صلاحیتوں پر تحفظات کا اظہار کرتے آرہے ہیں جبکہ ایران کا اصرار ہے کہ اس کی کبھی بھی جوہری بم بنانے کی کوئی خواہش نہیں تھی۔