سعودی عرب میں منکی پاکس کا پہلا کیس سامنے آگیا

ویب ڈیسک

15th Jul, 2022. 01:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی عرب میں منکی پاکس کا پہلا کیس سامنے آگیا

سعودی عرب کی وزارت صحت نے ملک میں منکی پاکس کے پہلے مریض کی تصدیق کردی ہے۔

سعودی وزارت صحت کا کہنا ہے کہ منکی پاکس بیرون ملک سے آنے والے مسافر میں پایا گیا۔

وزارت صحت کی جانب سے جاری بیان میں کہا گیا ہے کہ بیرون ملک سے ریاض آنے والے منکی پاکس میں مبتلا شخص کو فوری طور پر مقررہ ضوابط کے تحت قرنطینہ کر دیا گیا ہے۔

یہ بھی پڑھیں: بھارت میں مونکی پاکس کے پہلے کیس کی تصدیق

سعودی وزارت صحت نے بتایا ہے کہ متعلقہ ٹیمیں منکی پاکس کے کیسز کی نگرانی کر رہی ہیں، کسی بھی مشتبہ حالت میں مبتلا مریض کی فوری طور پر تحقیق کی جاتی ہے۔

خیال رہے کہ اقوام متحدہ کی ایجنسی کے مطابق اب تک 2 ماہ کے درمیان 63 ممالک میں مونکی پاکس کے 9 ہزار 200 کیسز سامنے آچکے ہیں۔

عالمی ادارہ صحت اگلے ہفتے ایک ہنگامی اجلاس منعقد کرے گا جس میں یہ فیصلہ کیا جائے گا کہ آیا مونکی پاکس کوعالمی صحت کی ایمرجنسی قرار دیا جائے یا نہیں۔

یہ بھی پڑھیں: منکی پاکس، دنیا بھر کے مجموعی متاثرین میں سے 80 فیصد یورپ میں

یاد رہے کہ منکی پاکس ایک وائرل بیماری جو فلو جیسی علامات اور جلد کے زخموں کا باعث بنتی ہے، یہ مرض کورونا یا اس طرح کی دیگر وباؤں کی طرح تیزی سے نہیں پھیلتا۔

اس کی علامات میں بخار، پٹھوں میں درد، سر درد، سوجن ، تھکاوٹ اور جلد کی بیماری شامل ہیں مذکورہ وائرس کا تعلق آرتھوپاکس وائرس فیملی سے ہے۔