ڈونلڈ ٹرمپ کی سابقہ اہلیہ ایوانا ٹرمپ چل بسیں

ویب ڈیسک

15th Jul, 2022. 10:48 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈونلڈ ٹرمپ کی سابقہ اہلیہ ایوانا ٹرمپ چل بسیں

سابق امریکی صدرٹرمپ کی پہلی بیوی ایوانا ٹرمپ 73 سا ل کی عمرمیں انتقال کر گئیں۔

خبر ایجنسی کے مطابق سابق امریکی صدر کی پہلی اہلیہ ایوانا کی موت گزشتہ روز نیویار ک میں واقع اپنے اپارٹمنٹ میں ہوئی، ابتدائی رپورٹس کے مطابق 73 سالہ ایوانا کی موت دل کا دورہ پڑنے سے ہوئی تاہم خاندانی ذرائع نے ان کی موت کی وجہ کی تصدیق نہیں کی ہے۔

غیر ملکی میڈیا کے مطابق جمعرات کے روز امریکی وقت کے مطابق دوپہر 12:30 بجے ایمرجنسی سروس حکام کو ایوانا کے دل کے دورے کی اطلاع دی گئی تاہم جب ریسکیو ٹیم ان کی رہائش گاہ پہنچی تو ان کی موت ہوگئی۔

دوسری جانب ڈونلڈ ٹرمپ نے اپنے ایک بیان میں کہا کہ مجھے ان تمام لوگوں کو بتاتے ہوئے بہت دکھ ہو رہا ہے جو ان سے پیار کرتے تھے کہ ایوانا ٹرمپ کا نیویارک میں اپنے گھر میں انتقال ہو گیا ہے۔

ٹرمپ نے مزید کہا ہے کہ وہ ایک شاندار، خوبصورت اور حیرت انگیز خاتون تھیں جنہوں نے ایک عظیم اور متاثر کُن زندگی گزاری۔

واضح رہے کہ ایوانا سابق امریکی صدر ڈونلڈ ٹرمپ کی پہلی بیوی تھیں، دونوں نے 1977 میں شادی کی جن سے ان کے 3 بچے ہوئے، بعد ازاں 1992 میں ایوانا نے ڈونلڈ ٹرمپ سے علیحدگی اختیار کرلی تھی۔