عازمین حج کے لیے نجی نقل و حمل کا انتظام کرنے پر سعودی عرب میں 7 پاکستانی شہری گرفتار

ویب ڈیسک

01st Jul, 2022. 10:01 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عازمین حج کے لیے نجی نقل و حمل کا انتظام کرنے پر سعودی عرب میں 7 پاکستانی شہری گرفتار

سعودی عرب میں 7 پاکستانی شہریوں کو گرفتار کیا گیا ہے جن پر عازمین حج کے لیے نجی نقل و حمل کا انتظام کرنے کا الزام عائد کیا گیا ہے۔

عرب میڈیا کے مطابق گرفتار ہونے والے پاکستانی شہریوں پر الزام ہے کہ انہوں نے نجی نقل و حمل کا انتظام کیا اور عازمین حج کو مکہ جانے کے لئے گاڑیوں کو غیر قانونی طور پر استعمال کیا ہے۔

رپورٹ کے مطابق ریاض پولیس نے ان پاکستانیوں کو گرفتار کیا ہے جو مکہ مکرمہ جانے والے عازمین حج کے لیے پرائیوٹ ٹرانسپورٹ کی تشہیر میں ملوث ہیں۔

یہ بھی پڑھیں: سعودی عرب، بغیر اجازت حج کرنے پر بھاری جرمانہ عائد کرنے کا اعلان

رپورٹ میں کہا گیا ہے کہ ملزمان نے حاجیوں سے پیشگی رقم بھی وصول کرلی تھی۔

پولیس ذرائع کا کہنا ہے کہ قانونی کاروائی کے لیے 8 افراد کو گرفتار کیا گیا ہے جنہیں پولیس پراسیکیوشن کے حوالے بھی کردیا گیا ہے۔

اس سے قبل بھی ریاض پولیس مصری باشندے کو گرفتار کرچکی ہے جو اسی طرح کی جعل سازی میں ملوث تھا اور شہر میں بغیر لائسنس کے دفتر چلا رہا تھا۔