امریکی ایوانِ نمائندگان نے ایک سال زیرِ التواء ’چپس اینڈ سائنس‘ قانون کی منظوری دے دی ہے۔
امریکی میڈیا کے مطابق امریکی ایوانِ نمائندگان نے ’چپس اینڈ سائنس‘ قانون کی منظوری دی ہے جس کے تحت چیپ میکنگ کے شعبہ میں چینی اجارہ داری ختم کرنے میں مدد ملے گی۔
امریکی میڈیا کا کہنا ہے کہ ایک سال سے زیر التوا بل کی منظوری امریکی صنعتی پالیسی میں ایک غیر معمولی پیش رفت ہے۔
امریکی میڈیا کا مزید کہنا تھا کہ بل کے تحت امریکی سیمی کنڈکٹر کو 52 بلین ڈالر کی سرکاری سبسڈی دی جائے گی جبکہ سائنسی تحقیق کو فروغ دینے کے لیے 10 سال میں 200 بلین ڈالر فراہم کیے جائیں گے۔
ایوان اور سینیٹ کے درمیان مہینوں کی بات چیت کے بعد گزشتہ روز کی منظوری نے چپ سازوں کے امریکی پلانٹس کی تعمیر کے منصوبوں پر نظر ثانی کرنے کے بڑھتے ہوئے خطرے کو حل کر دیا ہے۔
ایوان کے اراکین نے جمعرات کو بل صدر کو بھیجنے کے لیے ووٹنگ کرائی، بل کے حق میں 243 جبکہ مخالفت میں 187 ووٹ ملے۔
واضح رہے کہ بل کو اب دستخط کے لئے آئندہ آنے والے دنوں میں صدر کے پاس بھیجا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News