شدید گرمی کے باعث یورپ کے کئی ممالک کے جنگلات میں آگ بھڑک اٹھی

ویب ڈیسک

18th Jul, 2022. 11:09 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شدید گرمی کے باعث یورپ کے کئی ممالک کے جنگلات میں آگ بھڑک اٹھی

برطانیہ سمیت یورپ کے کئی ممالک شدید گرمی کی لپیٹ میں ہیں جبکہ شدید گرمی کے باعث جنگلات میں آگ بھڑک اٹھی ہے۔

غیر ملکی میڈیا کے مطابق برطانیہ سمیت یورپ کے کئی ممالک شدید گرمی کی لہر جاری ہے جبکہ شدید گرمی کے باعث جنگلات میں آگ بھڑک اٹھی ہے۔

رپورٹ کے مطابق برطانیہ میں آج اورکل درجہ حرارت 41 ڈگری سینٹی گریڈ تک پہنچنے کا امکان ہے، شدید گرمی کے باعث فرانس، پرتگال، اسپین، یونان اورکروشیا کے جنگلات میں آگ بھڑک اٹھی ہے۔

آگ کے باعث ہزاروں افراد نقل مکانی کرنے پرمجبور ہوگئے ہیں جبکہ برطانوی محکمہ موسمیات کا کہنا ہے کہ پرتگال میں 75 ہزار ایکڑ اورفرانس میں 22 ہزار ایکڑ رقبے پر پھیلے جنگلات آگ کی لپیٹ میں ہیں۔

برطانوی محکمہ موسمیات نے نے پیر یعنی آج متوقع گرم ترین دن کے باعث ریڈ وارننگ جاری کردی ہے جبکہ اسکولوں میں وقت سے پہلے تعطیلات پر غورکیا جارہا ہے۔

برطانوی حکام نے لوگوں کو ٹھنڈی جگہوں پر رہنے اوربغیر ضرورت گھروں سے نہ نکلنے کی ہدایت جاری کی ہیں۔