مقبوضہ کشمیر میں بھارتی فوجی نے خود کو آگ لگا کر خودکشی کرلی

ویب ڈیسک

17th Jul, 2022. 04:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مقبوضہ کشمیر میں بھارتی فوجی نے خود کو آگ لگا کر خودکشی کرلی

غیر قانونی طور پر بھارت کے زیر قبضہ جموں و کشمیر میں بھارتی فوج کے ایک اہلکار نے ضلع پونچھ میں اپنے گھر میں خود کو آگ لگا کر خودکشی کرلی۔

کشمیرمیڈیا سروس کے مطابق انڈو تبتین بارڈر پولیس کا 50 سالہ ہیڈ کانسٹیبل راجندر کمار چھٹی پر گھر آیا ہوا تھا اوراس نے اپنے رہائشی مکان میں خود کو آگ لگا لی۔

پولیس اہلکار نے بتایا کہ موت ابھی تک پراسرار ہے خودکشی سمیت تمام زاویوں پر غور کیا جا رہا ہے۔

پونچھ کے اسٹیشن ہائوس آفیسر(ایس ایچ او) رنجیت سنگھ نے صحافیوں سے گفتگو کرتے ہوئے اس بات کی تصدیق کی ہے کہ ہیڈ کانسٹیبل کی موت جھلسنے کی وجہ سے ہوئی ہے۔

انکا کہنا تھا کہ معاملے کی تفتیش جاری ہے اور اس حوالے سے چیزیں سامنے آئیں گی کہ موت کیسے ہوئی۔

حکام نے بتایا کہ راجندر کمار کو شدید زخمی حالت میں پونچھ کے ضلع اسپتال لے جایا گیا تاہم ڈاکٹروں نے اسے مردہ قرار دے دیا۔

اس واقعے سے مقبوضہ جموں وکشمیر میں جنوری2007 سے خودکشی کرنے والے بھارتی فوجیوں اورپولیس اہلکاروں کی تعداد 548 ہوگئی ہے۔