نوپورشرما کو پورے ملک سے معافی مانگنی چاہیے، بھارتی سپریم کورٹ

ویب ڈیسک

01st Jul, 2022. 12:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نوپورشرما کو پورے ملک سے معافی مانگنی چاہیے، بھارتی سپریم کورٹ

بھارتی سپریم کورٹ نے گستاخ رسول ﷺ نورپور شرما کو کہا ہے کہ جس طرح سے نوپورشرما نے سب کہا وہ شرمناک ہے، اسے پورے ملک سے معافی مانگنی چاہیے۔

بھارتی میڈیا کے مطابق سپریم کورٹ نے نوپورشرما کو ادے پورقتل کا ذمہ دار بھی ٹھہراتے ہوئے کہا کہ ادے پور قتل کی ذمہ دار نوپور ہیں انہیں پورے بھارت سے معافی مانگنی چاہیے۔

سابق بی جے پی رہنما نورپورشرما کے گستاخانہ بیان پر بھارتی سپریم کورٹ برہم ہوگئی اور کہا کہ اس وقت حالات نوپور کی وجہ سے سنگین ہے، ساتھ ہی نوپورشرما کو معافی مانگنے کا حکم دے دیا۔

بھارتی سپریم کورٹ کا کہنا تھا کہ نوپورشرما کے بیان نے ملک بھر میں شدت پسند جذبات کو بھڑکا دیا ہے، ملک میں جو کچھ ہو رہا ہے نوپورشرما اس کی ذمہ دارہے۔

بھارتی سپریم کورٹ نے کہا کہ نوپورشرما کو اب مجسٹریٹ کے سامنے پیش ہونا چاہیے، اگر وہ کسی پارٹی کی ترجمان ہیں تو انہیں کچھ بھی کہنے کا حق نہیں ہے۔

واضح رہے کہ بھارت کی مشرقی ریاست راجستھان کے شہر اُدے پور میں متنازع سوشل میڈیا پوسٹ پر مبینہ ملزمان کے ہاتھوں ایک ہندو درزی کا قتل ہوا۔

مارے جانے والے آدمی کو درزی بتایا جارہا ہے جس نے حکمراں جماعت بھارتیہ جنتا پارٹی (بی جے پی) کی ترجمان نوپور شرما کے پیغمبرِ اسلام ﷺ کے خلاف توہین آمیز تبصرے کی حمایت میں سوشل میڈیا پر حالیہ پوسٹ شیئر کی تھی۔

یاد رہے کہ نوپور شرما کے مئی کے آخر میں ٹی وی مباحثے کے دوران تبصرے نے بھارت میں غم و غصے کو جنم دیا تھا، جس کے سبب بھارت کے کچھ حصوں میں پُرتشدد واقعات ہوئے تھے اور پوری اسلامی دنیا میں اس کے خلاف احتجاج کیا گیا تھا۔