کورونا وائرس سے متاثرہ افراد کی تعداد 60 کروڑ سے تجاوز کرگئی

ویب ڈیسک

22nd Aug, 2022. 03:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کورونا وائرس سے متاثرہ افراد کی تعداد 60 کروڑ سے تجاوز کرگئی

کورونا وائرس کی تباہ کاریوں میں خطرناک حد تک اضافے کے بعد اب کمی تو واقع ہوئی ہے تاہم یہ ابھی ختم نہیں ہوا ہے۔

تفصیلات کے مطابق کورونا وائرس کی عالمی وباء دنیا کے 200 سے زائد ممالک میں پھیل چکی ہے اور مجموعی طور پر اس سے متاثرہ افراد کی تعداد 60 کروڑ سے تجاوز کرگئی ہے۔

دنیا بھر میں کورونا وائرس سے اب تک 64 لاکھ سے زائد افراد ہلاک ہوچکے ہیں ۔

اس وقت دنیا بھر میں کورونا وائرس کے موجودہ مریضوں کی تعداد ایک کروڑ 90 لاکھ سے زائد ہے جس میں سے 43 ہزار سے زائد کی حالت تشویشناک ہے۔

دوسری جانب اس وائرس کو شکست دے کر صحت یاب ہونے والے مریضوں کی تعداد 57 کروڑ سے زائد ہوگئی ہے۔

اس مہلک وائرس کے سب سے زیادہ مصدقہ مریض امریکہ میں ہیں جہاں 34 لاکھ 98 ہزار سے زائد افراد متاثر ہیں جبکہ مرنے والوں کی تعداد 10 لاکھ 65 ہزار سے تجاوز کرگئی ہے۔