یوکرین سے اناج سے لدا پہلا کارگو جہاز استنبول پہنچ گیا

ویب ڈیسک

03rd Aug, 2022. 03:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یوکرین سے اناج سے لدا پہلا کارگو جہاز استنبول پہنچ گیا

یوکرین سے اناج سے لدا پہلا کارگو جہاز ترکیہ کے دارالحکومت استنبول پہنچ گیا۔

خبر ایجنسی کے مطابق یوکرین نے اناج کی سپائی 22 جولائی کے معاہدے کے بعد شروع کی ہے، معاہدے کے تحت یوکرین 23 ملین ٹن اناج عالمی مارکیٹ کو فراہم کرے گا، یہ معاہدہ اقوام متحدہ اور ترکی کی ثالثی میں طے ہوا تھا۔

واضح رہے کہ یوکرین کی بندرگاہ اوڈیسا سے اناج سے بھرا کارگو جہاز یکم اگست کو روانہ ہوا تھا۔

استنبول میں قائم جوائنٹ کوآرڈینیشن سینٹر نے بتایا کہ یوکرین سے روانہ ہونے والے پہلے کارگو جہاز پر 26 ہزار ٹن سے زائد مکئی لدی ہے۔

دوسری جانب اقوام متحدہ کے سیکریٹری جنرل انتونیو گوتریس نے یوکرین سے اناج سے لدے جہاز کی روانگی کا خیرمقدم کیا تھا۔

اقوام متحدہ کے سیکریٹری جنرل انتونیو گوتریس کے ترجمان کا یہ بھی کہنا تھا کہ امید ہے معاہدے کے مطابق یوکرین سے اناج کی برآمدگی کا سلسلہ جاری رہے گا اور اناج برآمدگی کی بحالی سے عالمی غذائی ضروریات کی صورت حال مستحکم ہو گی۔

یاد رہے کہ روس اور یوکرین دنیا میں اناج برآمد کرنے والے بڑے ممالک میں شامل ہیں۔ یوکرین پر روسی حملے کے بعد یوکرینی اناج کی برآمدات میں خلل پڑنے سے دنیا کے کئی ممالک کو اشیائے خوردونوش کی قیمتوں میں اضافے اور اس کے نتیجے میں مہنگائی کا سامنا ہے۔