بحیرہ جاپان میں امریکہ، جنوبی کوریا اور جاپان کی مشترکہ بحری مشقیں

ویب ڈیسک

30th Sep, 2022. 11:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بحیرہ جاپان میں امریکہ، جنوبی کوریا اور جاپان کی مشترکہ بحری مشقیں

جاپان کی سمندری حدود میں امریکہ، جنوبی کوریا اور جاپان کی بحری فوجوں نے مشترکہ بحری مشقوں میں حصہ لیا۔

تفصیلات کے مطابق جاپان کی وزارت دفاع نے بتایا ہے کہ اس کی بحری سیلف ڈیفنس فورس نے جمعے کے دن امریکی اور جنوبی کوریائی بحریہ کے ساتھ بحیرہ جاپان میں مشترکہ مشقیں کی ہیں۔

وزارت نے جمعے کے روز اعلان کیا کہ آبدوز شکن مشق میں جاپان کی بحری سیلف ڈیفنس فورس کے ایک تباہ کن بحری جہاز نے حصہ لیا۔

جبکہ جوہری توانائی سے چلنے والے طیارہ بردار بحری جہاز رونالڈ ریگن اور ایک آبدوز سمیت پانچ امریکی جہازوں اور جنوبی کوریا کی بحریہ کے ایک تباہ کن جہاز نے حصہ لیا۔

بحری سیلف ڈیفنس فورس نے تصاویر جاری کی ہیں جن میں تینوں ممالک کے بحری جہاز مختلف فارمیشن میں تیرتے نظر آ رہے ہیں۔

بحیرہ جاپان میں تینوں ممالک کی مشترکہ مشقیں اس سے پہلے دسمبر 2017 میں منعقد ہوئی تھیں۔

وزارت کے حکام نے کہا کہ جمعے کی مشقیں قواعد و ضوابط پر مبنی بین الاقوامی نظام کو تقویت دینے کے تینوں ممالک کے عزم کا اظہار تھیں۔

مبصرین کا کہنا ہے کہ ان مشقوں کا ہدف بظاہر شمالی کوریا، چین اور روس کو مدنظر رکھتے ہوئے جاپان امریکہ اور جنوبی کوریا کے سہ فریقی تعاون پر زور دینا تھا۔