چین کے معروف ریسٹورنٹ میں آتشزدگی، 17 افراد ہلاک

ویب ڈیسک

28th Sep, 2022. 08:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چین کے معروف ریسٹورنٹ میں آتشزدگی، 17 افراد ہلاک

چین کے ایک معروف ریسٹورنٹ میں آتشزدگی کے دوران 17 افراد ہلاک اور 3 زخمی ہوگئے ہیں۔

غیر ملکی خبر رساں ادارے کے مطابق چین کے شہر چانگچون کے ایک معروف ریسٹورنٹ میں اچانک خوفناک آگ بھڑک اٹھی جس کے نتیجے میں 17 افراد ہلاک اور 3 زخمی ہوگئے ہیں۔

رپورٹ کے مطابق اب تک آگ لگنے کی وجہ معلوم نہیں ہوسکی ہے تاہم دو گھنٹے کی مشقت کے بعد فائر بریگیڈ کے عملے نے آگ پر قابو پالیا ہے۔

یہ بھی پڑھیں: چین میں خوفناک بس حادثہ، 27 افراد ہلاک

رپورٹ میں کہا گیا ہے زخمی ہونے والے ایک شخص کی حالت تشویش ناک بتائی جارہی ہے جب کہ تمام ہلاک اور زخمی افراد کو قریبی اسپتال منتقل کردیا گیا ہے۔

واضح رہے کہ چین میں ایک ماہ کے دوران یہ آتشزدگی کا دوسرا بڑا واقعہ ہے جب کہ اس سے قبل 16 سمتبر کو 42 منزلہ عمارت میں آگ بھڑک اٹھی تھی لیکن خوش قسمتی سے کوئی جانی نقصان نہیں ہوا تھا۔