حرمین شریفین میں 10 لاکھ سے زائد زائرین کو خدمات کی فراہمی

ویب ڈیسک

03rd Oct, 2022. 10:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حرمین شریفین میں 10 لاکھ سے زائد زائرین کو خدمات کی فراہمی

حرمین شریفین کی انتظامیہ نے اپنے ایک بیان میں کہا کہ حجاز مقدسہ آنے والے 10 لاکھ سے زائد زائرین کو رضاکارانہ خدمات دی گئیں۔

تفصیلات کے مطابق حرمین شریفین کے انتظامیہ نے گزشتہ روز سماجی رابطے کی ویب سائٹ پر اپنے ٹوئٹر اکاؤنٹ پر اطلاع دی کہ حرمین شریفین میں رضاکاروں کی تعداد 143 تک پہنچ گئی۔

منتظمین کے مطابق ان رضاکاروں میں مرد اور خواتین دونوں شامل ہیں۔

رضاکاروں نے 23 ہزار 400 گھنٹے رضاکارانہ طور پر کام کیا۔ ماہ صفر کے دوران مقدس مساجد میں گاڑیوں پر لے جانے کی سروس سے 57 ہزار 160 افراد نے فائدہ اٹھایا۔

حرمین شریفین کی رپورٹ کے مطابق 6 لاکھ 58 ہزار 772 افراد نے مہمان نوازی کی خدمت حاصل کی۔ جبکہ 61 ہزار 200 افراد کو پانی کی بوتلیں تحفہ میں دی گئیں، اور 86 افراد کو گرم مشروبات پیش کئے گئے۔

ایک لاکھ 38 ہزار 865 افراد رضاکارانہ فراہم کئے گئے طعام سے لطف اندوز ہوئے اور 900 زائرین کو چھتریاں فراہم کی گئیں۔

کالج اورادارے کی طلبہ نے ایک لاکھ 5 ہزار 600 افراد کو ناشتہ کرایا، صفر کے مہینے میں اس طرح ان رضاکارانہ خدمات سے فائدہ اٹھانے والے افراد کی تعداد 10لاکھ 22 ہزار 497 تک پہنچ گئی۔