ایران؛ دہشت گردوں کا شاہ چراغ مزار پر حملہ، 15 زائرین شہید

ویب ڈیسک

27th Oct, 2022. 12:36 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایران؛ دہشت گردوں کا شاہ چراغ مزار پر حملہ، 15 زائرین شہید

شیراز: دہشت گردوں نے ایران کے صوبے فارس میں شاہ چراغ مزار پر حملے کرکے 15 زائرین شہید کردیے ہیں۔

غیر ملکی خبر رساں ادارے کے مطابق ایران کے صوبے فارس کے دارالحکومت شیراز میں واقع امام زادہ احمد بن امام موسیٰ کاظم المعروف شاہ چراغ مزار پر دہشت گردوں نے حملہ کردیا۔

رپورٹ کے مطابق دہشت گردوں نے مزار کے اندر گھستے ہی زائرین پر اندھا دھند فائرنگ شروع کردی جس کے نتیجے میں 15 زائرین موقع پر ہی شہید ہوگئے۔

رپورٹ میں کہا گیا ہے کہ شہید ہونے والے زائرین میں زیادہ تر چھوٹے بچے اور خواتین شامل ہیں جب کہ فائرنگ کی اطلاع ملتے ہی سیکیورٹی فورسز جائے وقوع پر پہنچ گئی۔

رپورٹ کے مطابق سیکیورٹی فورسز نے موقع سے دو دہشت گردوں کو گرفتار کرلیا ہے جب کہ تیسرے دہشت گرد کو پکڑنے کے لیے تلاش جاری ہے۔