بھارتی ریاست آسام میں مسلمانوں کا قائم کردہ میوزیم بند کردیا گیا

ویب ڈیسک

26th Oct, 2022. 11:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی ریاست آسام میں مسلمانوں کا قائم کردہ میوزیم بند کردیا گیا

گوہاٹی: بھارت کی ریاست آسام میں بھارتیہ جنتا پارٹی کی حکومت نے مسلمانوں کے قائم کردہ میوزیم کو بند کردیا ہے۔

کشمیر میڈیا سروس کی رپورٹ کے مطابق بھارتی ریاست آسام کے ضلع گولپاڑہ میں ’میاں میوزیم‘ کا افتتاح اتوار کے روز کیا گیا تھا جس کو حکومت نے بند کردیا ہے۔

رپورٹ کے مطابق آسام کے وزیر اعلیٰ ہیمنت بسوا سرما کا کہنا تھا کہ پولیس ’میاں میوزیم‘ کے قیام کے لئے فنڈز کی فراہمی کے ذرائع کی تحقیقات کرے گی۔

ہیمنت بسوا کا کہنا تھا کہ میوزیم قائم کرنے والوں کو حکومت کے سوالات کا جواب دینا ہوگا اور اگر وہ جواب دینے میں ناکام رہے تو ان کے خلاف قانونی کارروائی کی جائے گی۔

رپورٹ میں کہا گیا ہے کہ حکمران جماعت بی جے پی کے ارکان اسمبلی اور پارٹی کے رہنماﺅں نے حکومت سے مطالبہ کیا ہے کہ وہ اس میوزیم کو منہدم کردیں۔

بی جے پی کے ارکان اسمبلی کا ہرزہ سرائی کرتے ہوئے کہنا تھا کہ اس میوزیم کے ذریعے مسلمانوں کی ثقافت کو پیش کیا جا رہا ہے۔