غصے میں قدیم رومن مجمسمے توڑنے والا امریکی سیاح گرفتار

ویب ڈیسک

09th Oct, 2022. 10:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

غصے میں قدیم رومن مجمسمے توڑنے والا امریکی سیاح گرفتار

ویٹیکن سٹی کے عجائب گھر میں قدیم رومن مجسمے توڑنے والے امریکی سیاح کو گرفتار کر لیا گیا ہے۔

تفصیلات کے مطابق امریکی سیاح پوپ فرانسس کو دیکھنے کے لیے ویٹیکن سٹی آیا تھا، جب اسے پتہ چلا کہ وہ ویٹیکین میں پوپ فرانسس کو نہیں دیکھ سکتا تو پھر اشتعال میں آ کر سیاح نے مجسمے توڑ ڈالے۔

یہ شخص، جس کا نام ظاہر نہیں کیا گیا ہے لیکن اس کی عمر 50 کی دہائی میں ہے، بدھ کی دوپہر کے قریب ویٹیکن کے عجائب گھروں کا دورہ کرنے کے دوران ہنگامہ آرائی پر اتر آیا تھا۔

مقامی اخبار کی رپورٹ کے مطابق امریک سیاح نے مبینہ طور پر اپنے آپ کو عجائب گھروں کے چیرامونٹی ہال میں موجود قدیم مجسموں میں سے ایک پر خود کو گرا دیا- جس نے مجسمہ کو اس کے پیڈسٹل سے گرا دیا.

مجسمے ٹوٹنے کے بعد امریک سیاح نے عجائب گھر سے راہ فراہ اختیار کرنی چاہی، لیکن سیکیورٹی پر مامور اہلکاروں نے اسے گرفتار کر لیا۔

عجائب گھر کے عملے نے اس شخص کو اپنے حصار میں لے لیا اور ویٹیکن پولیس کے آتے ہی اسے پولیس کے حوالے کر دیا گیا۔

سوشل میڈیا پر عجائب گھر کی ایک تصویر دیکھی جا سکتی ہے جس میں مجسمے کے ٹوٹے ہوئے حصے زمین پر پڑے دکھائی دے رہے ہیں۔