معروف امریکی کمپنی ٹیسلا کے مالک ایلون مسک نے سمندری طوفانوں سے نمٹنے کے لیے اسٹار لنک سیٹلائٹ فراہم کرنے پر رضا مندی ظاہر کر دی ہے۔

تفصیلات کے مطابق معروف امریکی کمپنی ٹیسلا اور اسپیس ایکس کے بانی ایلون مسک نے سمندری طوفانوں سے نمٹنے کے لیے اسٹار لنک سیٹلائٹ فراہم کرنے پر اتفاق کیا ہے۔

بین الاقوامی میڈیا رپورٹس کے مطابق فلوریڈا کے گورنر رون ڈی سینٹس نے بتایا کہ اسپیس ایکس کے چیف ایگزیکٹو ایلون مسک نے جنوب مغربی فلوریڈا میں سمندری طوفان ایان سے نمٹنے میں مدد کے لیے کمپنی نے سیٹلائٹ انٹرنیٹ سروس اسٹار لنک فراہم کرنے پر رضامندی ظاہر کی ہے۔

فلوریڈا کے گورنز رون ڈی سینٹیس نے کہا کہ ہم ساؤتھ ویسٹ فلوریڈا اور دیگر متاثرہ علاقوں کو اچھی کوریج فراہم کرنے کے لیے اسٹار لنک کو پوزیشن دے رہے ہیں.

انہوں نے کہا کہ ساؤتھ ویسٹ فلوریڈا میں مزید 120 بڑے سٹار لنک یونٹس کی تعیناتی متوقع ہے۔

رپورٹ میں مزید کہا گیا ہے کہ یہ انٹرنیٹ سروس فلوریڈا کے ان علاقوں میں فراہم کی جائے گی جہاں ابھی تک انٹرنیٹ کنیکٹیویٹی دستیاب نہیں ہے۔

اسپیس ایکس کا مقصد اسٹار لنک کو تیزی سے پھیلانا ہے، جو کہ حریف سیٹلائٹ کمیونیکیشن کمپنیوں ’ون ویب‘ اور ایمازون جیسی بڑی کمپنیوں کے ساتھ مقابلہ کر رہی ہے.