مصر؛ بغیر اجازت فریج کھولنے پر باپ جلاد بن گیا، تین سالہ بچی تشدد سے جاں بحق

ویب ڈیسک

04th Oct, 2022. 12:07 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مصر؛ بغیر اجازت فریج کھولنے پر باپ جلاد بن گیا، تین سالہ بچی تشدد سے جاں بحق

مصر میں جلاد باپ نے تین سالہ بچی کو محض بغیر اجازت فریج کھولنے پر تشدد کرکے قتل کردیا ہے۔

غیر ملکی خبر رساں ادارے کے مطابق مصر میں جلاد باپ نے بغیر اجازت فریج کھولنے پر اپنی تین سالہ بچی کے جسم کو جلایا اور پھر اسے مار مار قتل کردیا۔

رپورٹ کے مطابق جلاد باپ نے اپنی بیٹے پر اس وقت تک تشدد کیا جب تک وہ مر نہیں گئی۔

رپورٹ میں کہا گیا ہے کہ جب مصری پولیس اطلاع ملنے پر اسپتال پہنچی تو بچے کے جسم پر تشدد اور جلنے کے نشانات موجود تھے۔

پولیس کا کہنا ہے کہ بچی اپنی سوتیلی ماں کے ساتھ رہتی تھی جب کہ اس کے والد نے حال ہی میں بچی کی اصل والدہ کو طلاق دی تھی۔

پولیس کے مطابق بچی کی سوتیلی ماں نے بتایا کہ ’اس کے شوہر نے اپنی بیٹی پر تشدد کیا ہے جب کہ بچی کے جسم پر جتنے بھی زخم موجود ہیں وہ سب زدوکوب کا نتیجہ ہیں۔

بچی کی سوتیلی ماں کہتی ہیں کہ بچی کا جرم یہ تھا کہ اس نے بغیر اجازت فریج کھولا تھا۔

پبلک پراسیکیوشن کے مطابق ’ملزم عادم مجرم ہے جس نے بچی کے جسم کو جلانے اور بے ہوش ہونے تک تار سے زدوکوب کرنے کا اعتراف جرم کرلیا ہے‘۔