یورپ بھر میں اشیائے  خورد و نوش کی قیمتوں میں تیزی سے اضافے کے بعد پیرس میں پبلک ٹرانسپورٹ کی ہڑتال سے نظام زندگی درہم برہم  ہو گیا،  ٹرینیں رکنے سے  زندگی مفلوج ہوکر رہ گئی۔

بین الاقوامی خبر رساں ادارے کے مطابق فرانس میں آج سے شروع ہونے والی ہڑتالوں سے زیر زمین ریل سروس، لندن اور پیرس میں مسافر بسوں کی سہولت بند رہے گی۔

ٹرانسپورٹ فار پیرس  کی جانب سے مسافروں کو تنبیہ جاری کی گئی ہے کہ وہ سفر سے قبل حالات کا جائزہ لے لیں۔

پیرس  میں ٹرانسپورٹ کا نظام بہت بہترین ہے لیکن حالیہ ہڑتال کی وجہ سے لوگوں کو شدید پریشانی کا سامنا کرنا پڑ رہا ہے۔

فرانس میں یومیہ بنیادوں پر 5  ملین کے قریب  افراد ان ٹرینوں پر سفر کرتے ہیں۔ ان ہڑتالوں کو فرانس کے صدر کے اقتصادی اصلاحات کے پروگرام کے لیے ایک بڑا امتحان قرار دیا جا رہا ہے۔

فرانس میں مزدور یونین کے رہنما سیلائن ورزیلیتی نے امکان ظاہر کیا ہے کہ ملک بھر میں آج  200 مقامات پر مظاہرے کیے جائیں گے۔