نیوز لینڈ اور فرانس میں سال 2023 کا آغاز ہوگیا ہے جس کو زبردست انداز میں خوش آمدید کہا گیا ہے۔

نیوزی لینڈ میں نئے سال کا آغاز ہوتے ہی آسمان رنگین ہوگیا اور 2023 کے آغاز پر شاندارآتش بازی کا مظاہرہ کیا گیا جب کہ نیوزی لینڈ کے شمالی جزیرے آکلینڈ میں بھی 2023 کے آغاز پر جشن منایا گیا۔

فرانس میں بھی 2023 کو زبردست انداز میں خوش آمدید کہا گیا جب کہ پیرس کی مشہور شاہراہ شانزے پر نئے سال کا جشن اپنی مثال آپ تھا۔

بارہ بجتے ہی ہر طرف خوشیوں اور روشنیوں کی بہار آگئی، سال نوں کی تقریب میں شہریوں نے خوبصورت نظاروں کو دیکھ کر دل کھول کر داد دی۔

لوگوں نے تمتماتے چہرے آسمان پر رنگ و نور کی بارشوں، موسیقی کی دھنوں سے لطف اندوز ہوتے ہوئے نئے سال 2023 کا استقبال کیا۔

بڑی تعداد میں لوگوں نے سالِ نوں کی تقریبات میں شرکت کرکے جشن منایا اور ایک دوسرے کو مبارک باد دے کر اپنی خوشی کا اظہار کیا۔

نئے سال کا جشن منانے کے لیے فرانس میں مقیم پاکستانی بھی کسی سے پیچھے نہ رہے، نئے سال کا جشن منانے کے لیے انہوں نے اپنے پیاروں اور دوستوں کے ساتھ دعوتیں انجوائے کیں۔

فرانس میں کمیونیٹی رہنما چوہدری آصف کی جانب سے نئے سال 2023  کا کیک کاٹا گیا جب کہ پیرس میں مقیم پاکستانی کمیونٹی کے علاوہ غیر ملکی سیاحوں نے بھی بول نیوز سے گفتگو کرتے ہوے نئے سال 2023 کی مبارک باد پیش کیں اور نیک تمناؤں کا اظہار کیا۔