چین میں کورونا کی نئی لہر شروع ہوگئی، اسپتال نئے مریضوں سے بھر نے لگے۔

بین الاقوامی خبر رساں ادارے کے مطابق دارالحکومت بیجنگ سمیت چین کے مختلف شہروں میں کورونا کیسز میں خطرناک حد تک اضافہ ہورہا ہے۔

چین میں کورونا کی پہلی لہر سے متاثرہ مریضوں سے اسپتال بھر چکے ہیں اور بستروں کی قلت پیدا ہوگئی ہے۔ مریضوں کو فرش پر ہی طبی امداد دی جا رہی ہے جس کی ویڈیوز سوشل میڈیا پر بھی وائرل ہو رہی ہیں۔

مزید پڑھیں: کورونا کا خوف، چینی شہریوں نے راشن اور ادویات جمع کرنا شروع کر دی

طبی ماہرین کا کہنا ہے کہ کورونا وائرس حالیہ موسم سرما میں بڑے پیمانے پر ہلاکتوں کا پیش خیمہ ثابت ہوسکتا ہے۔ماہرین نے خدشہ  ظاہر کیا ہے کہ کورونا وائرس کی نئی لہر سے    10 لاکھ سے زائد ہلاکتیں ہوسکتی ہیں۔

طبی ماہرین نے خبردار کیا ہے کہ دسمبر، جنوری اور فروری میں کورونا کی تینوں شدید لہروں کا سامنا کرنا پڑے گا۔

ماہرین کا کہنا ہے کہ حکومت کی طرف سے ملک میں ’زیرو کووڈ‘ کی حکمت عملی میں نرمی کے بعد سے اموات میں اضافہ ہو گیا ہے۔

مزید پڑھیں: فرانس میں کورونا وائرس کی آٹھویں لہر، ایک دن میں 9 ہزار کیس

شہر شینیانگ میں ایک قبرستان کے ملازم کے مطابق ان کے ہاں لائی جانے والی لاشوں کی تعداد  اتنی زیادہ  ہے کہ انہیں دفن کرنے میں پانچ دن لگ جاتے ہیں۔

واضح رہے کہ کورونا وائرس کا پہلا کیس نومبر 2019 میں چین میں سامنے آیا تھا جس نے دیکھتے ہی دیکھتے  پوری دنیا کو اپنی لپیٹ میں لے لیا تھا ۔

کورونا وائرس سے اب تک لاکھوں افراد کی جان جاچکی ہے۔