اسرائیلی فوج نے رواں برس 150 سے زائد فلسطینی شہید کردیے

ویب ڈیسک

20th Dec, 2022. 02:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسرائیلی فوج نے رواں برس 150 سے زائد فلسطینی شہید کردیے

مقبوضہ فلسطین میں اسرائیلی قابض فوج نے رواں برس 150 سے زائد فلسطینی شہید کردیے۔

اقوام متحدہ کے خصوصی ایلچی برائے مشرق وسطیٰ کی رپورٹ میں انکشاف ہوا ہے کہ اسرائیل نے 2022 میں مقبوضہ مغربی کنارے میں اب تک 150 سے زائد فلسطینوں کو شہید کردیا ہے۔

رپورٹ میں بتایا گیا ہے کہ یہ حالیہ برسوں میں اسرائیلی جارحیت سے شہید ہونے والوں کی بلند ترین شرح ہے۔

رپورٹ میں کہا گیا ہے کہ مقبوضہ بیت المقدس اور مغربی کنارے میں اسرائیل کی جانب سے مزید نئی آباد کاریاں اقوام متحدہ کی قراردادوں اور عالمی قوانین کی خلاف ورزی ہے۔

رپورٹ میں مزید بتایا گیا ہے کہ صرف مقبوضہ مغربی کنارے میں اسرائیلی آباد کاروں کے لیے سال 2022 میں تین گنا زیادہ غیر قانونی تعمیرات کی گئی ہیں۔

اقوام متحدہ کے خصوصی ایلچی برائے مشرق وسطیٰ نے اپنی رپورٹ میں مطالبہ کیا ہے کہ اسرائیل مقبوضہ علاقوں میں غیر قانونی تعمیرات کو روکےاور فلسطینیوں کی املاک کو تباہ نہ کرے۔