عمرہ کرنے کے خواہشمند افراد کیلئے بڑی خوشخبری

ویب ڈیسک

21st Dec, 2022. 10:20 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمرہ کرنے کے خواہشمند افراد کیلئے بڑی خوشخبری

سعودی عرب کی جانب سے عمرہ کرنے کے خواہشمند افراد کے لیے بڑی خوشخبری سنادی گئی۔

تفصیلات کے مطابق سعودی وزارت حج و عمرہ نے عمرہ کے خواہشمندوں کے لیے’پرسنل وزٹ ویزا ‘ کی سہولت کا آغاز کردیا۔

اس نئے طریقہ کار کے تحت کوئی بھی سعودی شہری اپنے دوستوں کو عمرہ کرنے کی دعوت دے سکتا ہے جو کہ سستا اور آسان طریقہ ہوگا۔

اس کا مقصد دنیا کے مختلف ممالک میں مسلمانوں کو خدا کے مقدس گھر کی زیارت کی سہولیات فراہم کرنا ہے۔

اس ویزا پالیسی کے تحت ایک ہی وقت میں کئی مہمانوں کے لیے ایک سے زیادہ درخواستیں جمع کرانا ممکن ہوسکے گا۔ ایک سے زائد مرتبہ سعودیہ میں داخل ہونے کی سہولت میسر ہوسکے گی، عمرہ کے مناسک ادا کرنے کے ساتھ ساتھ ، مسجد نبوی ﷺ، مذہبی مقامات اور تاریخی مقامات کا دورہ بھی کیا جاسکے گا۔

اس پرسنل وزٹ ویزا پر سعودی عرب کے کسی بھی علاقے کی سیر کرنا بھی ممکن ہوسکے گی۔

ایک ہی مرتبہ سفر کے لیے اس ویزاکی معیاد 90 دن جبکہ ملٹی انٹری ویزا کی معیاد 365 دن ہے اور اس میں قیام کی مدت 90 دن ہے۔