سعودی عرب کے وزیر خارجہ نے کہا کہ اگر ایران ایک آپریشنل جوہری ہتھیار حاصل کر لیتا ہے تو تمام شرطیں ختم ہو جائیں گی۔

تفصیلات کے مطابق شہزادہ فیصل بن فرحان نے ابوظہبی میں عالمی پالیسی کانفرنس میں ایک آن اسٹیج انٹرویو میں کہا کہ اگر ایران کو آپریشنل جوہری ہتھیار مل جاتا ہے تو تمام شرطیں ختم ہو جاتی ہیں اور خلیجی ریاستیں اپنی سلامتی کو یقینی بنانے کے لیے کام کر رہی ہیں۔

شہزادہ فیصل بن فرحان نے کہا کہ ہم خطے میں ایک انتہائی خطرناک جگہ پر ہیں، آپ توقع کر سکتے ہیں کہ علاقائی ریاستیں یقینی طور پر اس طرف نظر رکھیں گی کہ وہ اپنی سلامتی کو کیسے یقینی بنا سکتے ہیں۔

جمعہ کو ہونے والی جی سی سی-چین سمٹ اور عرب-چین سربراہی اجلاس کے بارے میں بات کرتے ہوئے شہزادہ فیصل نے کہا کہ مملکت اور چین کے درمیان تعاون کو بڑھانا ناقابل یقین حد تک اہم ہے۔

شہزادہ فیصل بن فرحان کے مطابق چین نہ صرف سعودی عرب بلکہ تقریباً تمام عرب دنیا کے لیے اہم تجارتی پارٹنر ہے۔

شہزادہ فیصل بن فرحان کا کہنا تھا کہ دنیا کی دوسری سب سے بڑی معیشت کے ساتھ یہ بات چیت ہمارے لیے انتہائی اہم ہے کیونکہ ہم عالمی ماحول میں اپنی شراکت داری کو جاری رکھے ہوئے ہیں۔ اس طرح سے جو سب کے لیے ترقی اور خوشحالی کے مواقع کو فروغ دیتا ہے.

ایک سوال کے جواب میں شہزادہ فیصل نے کہا کہ مملکت کی خارجہ پالیسی سب سے پہلے سعودی عوام کے لیے پائیدار خوشحالی، دوم خطے کے لوگوں کے لیے اور تیسری دنیا کے لوگوں کے لیے ہے۔

شہزادہ فیصل نے اپنے انٹرویو میں کہا کہ ہم اس مقصد کو حاصل کرنے کے لیے ہر موقع کی تلاش میں ہیں۔

شہزادہ فیصل بن فرحان نے چین کے ساتھ معاہدوں کے حوالے سے کہا کہ اگر عالمی سطح پر کسی پارٹنر کے ساتھ کام کرنے کا موقع ملتا ہے تاکہ ہم اپنے اقتصادی پروگراموں یا سماجی پروگراموں کو مضبوط کرنے، اپنے خطے کو مضبوط بنانے کی صلاحیت کو آگے بڑھا سکیں تو یہ صرف تعاون کے ذریعے ہی ہو سکتا ہے اور ہم ان راستوں پر عمل کریں گے۔.

سعودی وزیر خارجہ نے مزید کہا کہ خادم الحرمین الشریفین شاہ سلمان کی جانب سے خلیجی ممالک کے درمیان تعاون کا وژن جلد پیش کیا جائے گا۔

شہزادہ فیصل بن فرحان کا کہنا تھا کہ ہم خطے کو محفوظ اور مستحکم دیکھنا چاہتے ہیں اور خطے کی سلامتی کے لیے ہم مل کر کام کریں گے۔

سعودی وزیر خارجہ کا کہنا تھا کہ سعودی عرب اگلے پانچ سالوں میں جی ٹوئنٹی ممالک میں سب سے زیادہ ترقی کرنے والا ملک ہوگا کیونکہ سعودی عرب ایک واضع روڈ میپ کے ذریعے تبدیلیوں سے گزر رہا ہے۔

سعودی وزیر خارجہ نے مزید کہا کہ ہر امریکی انتظامیہ کا نقطہ نظر ہے مگر خطے میں اسکے مفادات ایک ہی ہیں، اور امریکہ کا ہمارے خطے میں اہم کردار ہے، اور امریکہ کے ساتھ ہمیں حقیقی اسٹرٹیجک ڈائیلاگ کی ضرورت ہے۔

شہزادہ فیصل بن فرحان کا کہنا تھا کہ روس کے ساتھ ہمارے تعلقات نے امریکہ اور یوکرائن کے قیدیوں کی رہائی میں اہم کردار ادا کیا ہے۔

عالمی منڈی میں تیل کی قیمتوں کے حوالے سے سعودی وزیر خارجہ کا کہنا تھا تیل کی قیمت صارفین اور تیل کی پیداوار کرنے والے ممالک کے لئے منصفانہ ہونی چاہئیے اور تیل کی قیمتوں کے حوالے سے امریکہ کو وضاحت کر دی گئی ہے۔

سعودی وزیر خارجہ شہزادہ فیصل بن فرحان کا مزید کہنا تھا کہ سعودی عرب اور اوپیک کی پالیسیاں واضع ہیں جس کا مقصد مارکیٹ میں استحکام رکھنا ہے۔