امریکی ریاست کیلی فورنیا میں بارشوں سے سیلابی صورتحال پیدا ہونے سے 17 افراد ہلاک ہوگئے۔

بین الاقوامی خبر رساں ادارے کے مطابق کیلی فورنیا کے گورنر کا کہنا ہے کہ ریاست میں گزشتہ ماہ کے آخر میں شروع ہونے والے مختلف طوفانوں سے کم از کم 17 افراد ہلاک ہو چکے ہیں۔

کیلی فورنیا کو مختلف طوفانوں کے باعث شدید سردی اور سیلابی  صورتحال کا سامنا ہے۔

مزید پڑھیں : امریکہ میں برفانی طوفان سے جنگلی حیات کی زندگی بھی خطرے میں پڑگئی

پیر کو شروع ہونے والے طوفان نے جنوبی کیلی فورنیا کے پہاڑوں میں ڈیڑھ فٹ (45 سینٹی میٹر) سے زیادہ بارش کا پانی جمع ہوگیااور سیرا نیواڈا کا اسکی ریزورٹس تقریباً 5 فٹ (1.5 میٹر) سے زیادہ برف میں دفن ہوگیا۔

مختلف علاقوں میں لینڈ سلائیڈنگ سے سڑکیں بھی بند ہوگئیں۔سیلابی ندیوں نے گھروں کو دلدلی کر دیا، پانی اور کیچڑ میں ڈوبی چھوٹی آبادیوں کے رہائشی پھنسے ہوئے ہیں۔

کیلی فورنیا کے گورنر کا کہنا ہے کہ اس طوفان اور سیلابی صورتحال میں گزشتہ دو سالوں میں جنگل کی آگ میں مرنے والوں سے کم لوگ مرے ہیں لیکن یہ حالات انتہائی سنگین اور  جان لیوا ہیں۔

مزید پڑھیں: امریکہ میں برفانی طوفان نے تباہی مچادی، شدیدسردی سے نظام زندگی متاثر

واضح رہے کہ کیلی فورنیا میں لاکھوں مکینوں کو سیلاب کا سامنا کرنا پڑا، تقریباً 50 ہزار سے زائد لوگوں کو اپنے علاقوں سے انخلاء کرنا پڑا اور ایک لاکھ 10 ہزار سے سے زائد گھر اور دفاتر شدید بارشوں، آسمانی بجلی، ژالہ باری اور لینڈ سلائیڈنگ کی وجہ سے بجلی سے محروم رہے۔