امریکی فضائیہ نے الاسکا کے اوپر پرواز کرنے والی مشکوک چیز مار گرائی

ویب ڈیسک

11th Feb, 2023. 10:51 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکی فضائیہ نے الاسکا کے اوپر پرواز کرنے والی مشکوک چیز مار گرائی

امریکی فضائیہ نے الاسکا کے اوپر پرواز کرنے والی مشکوک چیز مار گرائی۔

امریکی میڈیا کی رپورٹ کے مطابق امریکی فضائیہ نے صدر جو بائیڈن کے حکم پر شمال مغربی الاسکا کے ایک دور دراز ساحل پر فضاء میں پرواز کرنے والی ایک نامعلوم چیز کو مار گرایا ہے۔

یہ بھی پڑھیں: چین کی مبینہ جاسوس غبارے کے تنازع پر امریکہ کو ‘پرسکون’ رہنے کی تنبیہ

امریکی قومی سلامتی کونسل کے ترجمان جان کربی کا اس حوالے سے کہنا ہے کہ امریکی فضائی حدود میں پرواز کرنے والی نامعلوم چیز کو تقریباً 40 ہزار فٹ بلندی پر نشانہ بنایا گیا کیونکہ یہ کسی کمرشل پرواز کے لیے ایک ’بڑا خطرہ‘ ثابت ہوسکتی تھی۔

خیال رہے کہ کمرشل ہوائی طیارے اور نجی جیٹ طیارے 45 ہزار فٹ تک اونچی پرواز کرتے ہیں۔

یہ بھی پڑھیں: پینٹاگون کا چین پر مشتبہ غبارے کے ذریعے جاسوسی کا الزام

جان کربی نے کہا ابھی یہ واضح نہیں ہے کہ اس مشکوک چیز کا مقصد یا اس کی اصلیت کیا تھی تاہم صدر بائیڈن نے اس شے کو مار گرانے پر صرف اتنا کہا کہ ’یہ ایک کامیابی تھی۔‘

امریکی قومی سلامتی کونسل کے ترجمان نے مزید بتایا کہ یہ چیز اس بڑے چینی غبارے سے بہت چھوٹی تھی جسے گزشتہ ہفتے امریکی فضائی حدود سے باہر نکلنے کے بعد بحر اوقیانوس پر ایک امریکی لڑاکا طیارے نے مار گرایا تھا۔