مقبوظہ مغربی کنارے کے مشرقی علاقے جیریکو میں اسرائیلی فوج نے چھاپے کے نام پر 5 فلسطینیوں کو گولی مار کر شہید کر دیا۔

غیر ملکی میڈیا کی خبروں کے مطابق یہ مذموم کارروائی آج صبح عقبیت جبر پناہ گزین کیمپ میں ہوئی جو گزشتہ ایک ہفتے سے اسرائیلی فوج کے محاصرے میں ہے۔

جیریکو کے گورنر نے پانچ افراد کی ہلاکت کی تصدیق کرتے ہوئے کہا کہ تین دیگر زخمی ہیں۔

اسرائیلی فوج نے ابتدائی طور پر ایک بیان میں کہا تھا کہ اس نے مجموعی طور پر سات افراد کو ہلاک کر دیا ہے، جن میں 28 جنوری کو جیریکو میں فائرنگ کے حملے کی کوشش کے دو ذمہ دار اور پانچ دیگر شامل ہیں جنہوں نے چھاپے کے دوران فوج کو لڑائی میں شامل کیا تھا۔

اسرائیلی فوج نے شہید ہونے ہونے والے پانچ افراد کی لاشیں روک لی ہیں.

واضح رہے کہ 28 جنوری کو ہونے والی فائرنگ سے کوئی جانی نقصان نہیں ہوا۔ یہ جنین پناہ گزین کیمپ پر بڑے پیمانے پر اسرائیلی حملے کے صرف دو دن بعد ہوا ہے جس میں 10 فلسطینی شہید ہو گئے تھے۔

محصور غزہ کی پٹی پر حکومت کرنے والے فلسطینی گروپ حماس نے ہلاک ہونے والے سات افراد میں سے کسی کو بھی اپنا رکن ہونے کا دعویٰ نہیں کیا۔

جیریکو پر چھاپے کے دوران اسرائیلی فورسز نے حماس کے رہنما شاکر عمارہ کو گرفتار کر لیا، جنہیں حال ہی میں جیل سے رہا کیا گیا تھا۔

اسرائیلی فورسز نے پیر کی صبح مغربی کنارے کے شمالی مقبوضہ شہر نابلس میں بلتا مہاجر کیمپ پر چھاپے کے دوران ایک 48 سالہ خاتون راجا کارسو کو بھی گرفتار کر لیا ہے۔