انڈونیشیا: تیل کے گودام میں آگ لگنے سے 17 افراد جھلس کر ہلاک

ویب ڈیسک

04th Mar, 2023. 02:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انڈونیشیا: تیل کے گودام میں آگ لگنے سے 17 افراد جھلس کر ہلاک

انڈونیشیا میں تیل کے گودام میں آگ لگنے سے 17 افراد جھلس کر ہلاک ہوگئے۔

بین الاقوامی خبر رساں ادارے کے مطابق انڈونیشیا کے دارالحکومت جکارتہ کے گنجان آباد علاقے میں تیل کے گودام میں اچانک آگ بھڑکنے سے 17 افراد جھلس کر ہلاک جبکہ درجنوں زخمی ہو گئے۔

یہ بھی پڑھیں: انڈونیشیا میں زلزلہ، کیفے منہدم ہونے سے 4 افراد ہلاک

ریسکیو حکام کا کہنا ہے کہ آگ لگنے کے فوری بعد ہونے والے دھماکوں کے باعث آگ گرد و نواح کے رہائشی علاقوں تک پھیلنا شروع ہوئی۔

حکام نے آس پاس رہنے والے ہزاروں افراد سے علاقہ خالی کروا دیا۔

سرکاری تیل اور گیس کمپنی پرٹامینا کے زیر انتظام شمالی جکارتہ کے علاقے تانا میرا کے گنجان آباد علاقے میں موجود فیول اسٹوریج اسٹیشن سے انڈونیشیا کی ضروریات کا 25 فیصد ایندھن سپلائی کیا جاتا ہے۔

یہ بھی پڑھیں: انڈونیشیا، نیوزی لینڈ کے پائلٹ کو علیحدگی پسندوں نے یرغمال بنا لیا

260 سے زائد فائر فائٹرز اور 52 فائر بریگیڈ کی گاڑیاں آگ پر قابو پانے کی کوششوں میں مصروف ہیں۔

ریسکیو حکام کا کہنا ہے کہ ابتدائی تحقیقات کے مطابق بارشوں کے دوران بجلی گرنے سے پائپ لائن پھٹنے کے باعث گودام میں آگ بھڑکنے کا واقعہ پیش آیا۔

حکام کا مزید کہنا ہے کہ گودام میں آگ لگنے سے ملک میں ایندھن کی سپلائی متاثر نہیں ہوگی۔