لیبیا سے کئی ٹن قدرتی یورینیم غائب

ویب ڈیسک

16th Mar, 2023. 10:46 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لیبیا سے کئی ٹن قدرتی یورینیم غائب

شمالی افریقہ میں واقع ملک لیبیا سے کئی ٹن قدرتی یورینیم غائب ہوگئی۔

بین الاقوامی خبر رساں ادارے کے مطابق بین الاقوامی ایٹمی توانائی ایجنسی (آئی اے ای اے) کی رپورٹ میں انکشاف کیا گیا ہے کہ لیبیا سے 2.3 ٹن قدرتی یورینیم غائب ہوگئی ہے۔

آئی اے ای اے کی رپورٹ میں کہا گیا ہے کہ یورینیم لیبیا میں ایک ایسی جگہ سے غائب ہوا ہے جو حکومت کے میں کنٹرول نہیں ہے۔ لیبیا سے جوہری انسپکٹرز نے اطلاع دی کہ یورینیم کے 10 ڈرم غائب ہیں جو پہلے موجود تھے ۔

آئی اے ای اے کی رپورٹ میں کہا گیا ہے کہ غائب شدہ یورینیم سے ممکنہ ریڈیولوجیکل اور سیکیورٹی خدشات لاحق ہیں۔

واضح رہے کہ لیبیا نے 2003 میں اس وقت کے رہنما معمر قذافی کی قیادت میں امریکہ اور برطانیہ کے ساتھ خفیہ بات چیت کے بعد اپنے جوہری، کیمیائی اور حیاتیاتی ہتھیاروں کے پروگرام کو ترک کر دیا تھا۔

تاہم قذافی کی حکومت نے اس وقت تک جوہری ہتھیار بنانے کی طرف بہت کم پیش رفت کے باوجود ایسے سینٹری فیوجز حاصل کرلیے تھے جو یورینیم کو افزودہ کرنے کے ساتھ ساتھ جوہری بم کے ڈیزائن کی معلومات بھی دے سکتے تھے۔

بعد ازاں 2011 میں معمر قذافی کی حکومت ختم ہونے کے بعد سے ملک سیاسی بحران اور خانہ جنگی کا شکار ہے۔