بھارت میں ایک بار پھر کورونا کی نئی لہر نے حکومت کی نیندیں اڑا دی ہیں مرکزی حکومت نے تمام ریاستوں میں الرٹ جاری کر دیا ہے۔

بھارتی میڈیا کے مطابق بھارت میں تقریباً 4 ماہ کے بعد ایک بار پھر کورونا کے 524 نئے کیسز سامنے آئے ہیں، جس کے بعد وفاقی حکومت نے تمام ریاستوں کو الرٹ جاری کر دیا ہے۔

کورونا کے یہ نئے 524 کیسز کے ساتھ بھارت میں کورونا کے مرض میں مبتلا مریضون کی تعداد 3618 ہو گئی ہے، جبکہ بھارتی میڈیا کی رپورٹ کے مطابق کیرالہ میں ایک شخص کورونا سے ہلاک ہو گیا ہے۔

بھارتی کی مرکزی وزارت صحت کے ترجمان کے مطابق آج صبح 8 بجے تک کیرالہ میں کورونا سے ہلاک ہونے شخص کے بعد مرنے والوں کی تعداد بڑھ کر 5 لاکھ 30 ہزار 7 سو 81 ہو گئی ہے۔

بھارت کے محکمہ صحت کے اعدادوشمار کے مطابق کورونا سے متاثرہ کل افراد کی تعداد 4 کروڑ 46 لاکھ سے تجاوز کر چکی ہے، جن میں سے صحت یاب ہونے والوں کی 4 کروڑ 41 لاکھ سے زائد ہے۔

بھارتی میڈیا کے مطابق بھارت کا محکمہ صحت موسمی انفلوئنزا کی ذیلی قسم ایچ 3 اور این 2 کے کیسوں میں کووڈ کیسز میں اضافے پر تشویش کا اظہار کیا ہے۔

بھارت کی مرکزی حکومت نے ریاستوں کو الرٹ کرتے ہوئے کہا کہ ریاستوں اور مرکز کے زیر انتظام علاقوں میں انفلوئنزا جیسی بیماری یا شدید سانس کے انفیکشن کو نظر انداز نہ کریں۔

بھارتی حکومت نے تمام سرکاری اسپتالوں میں انفلوئنزا کے کیسز پر خصوصی توجہ دینے کا حکم دیا ہے اور اسپتالوں میں ادویات اور طبی آکسیجن کی فراہمی کو ممکن بنانے کا بھی حکم دیا ہے۔

مرکزی صحت کے سیکریٹری راجیش بھوشن نے ریاستوں کو لکھے جانے والے خط میں کہا کہ پچھلے چند ماہ میں کورونا کے کیسوں میں نمایاں کمی آئی لیکن کچھ ریاستوں میں کورونا کے کیسز میں بتدریج اضافہ ہوا ہے۔