بھارت کے نیشنل ہیومن رائٹس کمیشن نے منی پور میں جاری خانہ جنگی، نسلی فسادات اور انسانی حقوق کی بگڑتی صورتحال پر مودی سرکار کو مورد الزام ٹھہرا دیا ہے۔

بھارت کے نیشنل ہیومن رائٹس کمیشن کا ایک بیان میں کہنا ہے کہ مودی حکومت سے کاروائیوں کے تمام مطالبے زیر التوا ہیں، مودی سرکار تشدد کے بڑھتے واقعات کو ختم کرنے میں سنجیدہ نہیں۔

انہوں نے کہا کہ منی پور میں طویل عرصے سے تشدد، قتلِ عام اور اجتماعی زیادتیاں بلا خوف و خطر جاری ہیں۔

کمیشن نے مودی سرکار سے انسانی حقوق کی خلاف ورزیوں کی تمام شکایات پر رپورٹ بھی طلب کرلی ہے جب کہ انہوں نے مطالبہ کیا کہ حکومت فسادات میں مارے جانے والوں کے لواحقین کو معاوضہ، دوبارہ بحالی اور ملازمتیں فراہم کرے۔

واضح رہے کہ رواں ہفتے امریکی محکمہ خارجہ نے منی پور میں دو خواتین کے ساتھ اجتماعی زیادتی اور برہنہ مارچ کے دلخراش واقعے کو انتہائی تشویش ناک قرار دیا تھا۔

 امریکی محکمہ خارجہ کے پرنسپل ڈپٹی ترجمان ویدانت پٹیل  نے پریس بریفنگ کے دوران کہا تھا کہ بھارت میں خواتین پر حملے کی ویڈیو حیران کن اور صدمے والی تھی، متاثرین سے گہری ہمدردی کا اظہار کرتے ہیں۔

ویدانت پٹیل نے کہا تھا کہ انصاف کے لیے بھارتی حکومت کی کوششوں کی حمایت کرتے ہیں۔ منی پور میں تشدد کے پرامن اور جامع حل کی حوصلہ افزائی کرتے ہیں، بھارتی حکام تمام گروپس کی جان و مال کی حفاظت کریں۔

انہوں نے مزید کہا تھا کہ خواتین کے خلاف ایسا تشدد کسی بھی مہذب معاشرے میں شرم ناک ہے۔

یاد رہے کہ منی پور میں جاری خانہ جنگی کے باعث اب تک 200 سے زائد افراد ہلاک اور کم و بیش 1 لاکھ دربدر ہوچکے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں