متحدہ عرب امارات کی حکومت نے اچانک عام تعطیل کا اعلان کردیا ہے۔

اماراتی میڈیا کے مطابق متحدہ عرب امارات کی حکومت نے وفاقی ملازمین کے لیے اسلامی سال کی تعطیل کی تاریخ کا اعلان کر دیا ہے۔

 21 جولائی بروز جمعہ ہجری نئے سال کے موقع پر وفاقی حکومت میں کام کرنے والوں کے لیے چھٹی ہوگی۔

اسی طرح خلیجی سلطنت عمان نے نئے ہجری سال 1445 کو منانے کی تاریخ کا باضابطہ طور پر اعلان کر دیا ہے، ملک نے جمعرات 20 جولائی کو اسلامی نئے سال کے موقع پر عام تعطیل کا اعلان کیا ہے۔

عمان میں سرکاری اور نجی دونوں شعبوں میں کام کرنے والے ملازمین حکومتی سطح پر دی جانے والی اس تعطیل سے لطف اندوز ہوں گے۔

ایمریٹس آسٹرونومی سوسائٹی (ESA) کے صدرابراہیم الجروان نے پیشگوئی کی ہے کہ نئے ہجری سال (یکم محرم) کا آغازبدھ 19 جولائی سے ہونے کا امکان ہے، تاہم اسلامی کیلنڈرچاند دیکھنے پرمبنی ہے لہذا تاریخیں اس بنیاد پر تبدیل ہوتی ہیں کہ چاند کب نظر آتا ہے۔

دوسری جانب کویتی لوگ آنے والے اسلامی نئے سال کے موقع پر چار دن کے طویل ویک اینڈ سے لطف اندوز ہوں گے۔

 وزراء کونسل نےاعلان کیا ہے کہ بدھ 19 جولائی کوتعطیل ہوگی، اس کے بعد جمعرات 20 جولائی کو بھی آرام کا دن ہوگا، اس کا مطلب یہ ہے کہ وزارتیں، ادارے، ایجنسیاں اور حکومتی ادارے کام کی دو دن کی معطلی کا مشاہدہ کریں گے اوراس کے بعد باقاعدہ ویک اینڈ 21 اور 22 جولائی کو ہوگا۔