سعودی عرب کے سفیر نواب سعید المالکی نے کہا کہ عازمین حج کو بہترین سہولیات فراہم کرنے کے لیے روٹ ٹو مکہ منصوبہ شروع کیا گیا۔

سعودی عرب کے سفیر نواب سعید المالکی نے سعودی حکومت کی جانب سے پاکستان کی بھرپور حمایت اور تعاون کو جاری رکھنے کا اعلان کیا ہے۔

سعودئ سفیر نواب سعید المالکی نے تحریک دفاع حرمین شریفین کے زیراہتمام کانفرنس سے خطاب کرتے ہوئے کہا کہ پاکستان کے ساتھ مل کر امت مسلمہ کے وسیع تر مفاد کے لیے کام کرتے رہیں گے۔

اسلام آباد میں ہونے والی اس کانفرنس سے خطاب کرتے ہوئے نواف سعید المالکی نے کہا کہ حجاج کرام کو بہترین سہولیات کی فراہمی کے لیے کوئی کثر نہیں چھوڑی جائے گی۔

سعودی سفیر نے کہا کہ اس ضمن میں حجاج کرام کی خدم کے لیے روٹ ٹو مکہ پراجیکٹ سعودی مملکت کا ویژن 2030 اسی سلسلے کی ایک کڑی ہے۔

پاکستان کے ساتھ سعودی عرب کے برادرانہ تعلقات کو سعودی سفیر نے سراہتے ہوئے کہ دونوں ممالک کے مابین ایک عظیم رشتہ ہے جو گزشتہ کئی دہائیوں سے قائم و دائم ہے۔

اس کانفرنس میں تحریک دفاع حرمین شریفین کے سربراہ ڈاکٹر علی ابو تراب کا کہنا تھا کہ مشکل ترین حالات کے باوجود پاکستان کے مملکت کے ساتھ برادرانہ تعلقات غیر معمولی ہیں۔

اس کانفرنس میں ڈنمارک اور سویڈن میں مسلمانوں کی مقدس کتاب قرآن مجید کی بے حرمتی کے خلاف مذمتی قرار داد بھی پیش کی گئی جسے منظور کر لیا گیا۔

تحریک دفاع حرمین شریفین کے تحت ہونے والی اس کانفرنس کے اختتام پر پاکستان سے تعلق رکھنے والے مختلف مکتبہ فکر کے علمائے کرام نے سعودی عرب کی حکومت کی مکمل حمایت کا اعلان کیا۔

پاکستان کے علمائے کرام نے سعودی عرب کی امت مسلمہ کے قائدانہ کردار پر بھی شکریہ ادا کیا اور مملکت کے ساتھ برادرانہ تعلقات کو جاری رکھنے کے عزم کا اعادہ کیا۔